CNA
കൊച്ചി:
നാടുമായി യാതൊരു ബന്ധവുമില്ലാതെ കാടിനുള്ളില്‍ താമസിക്കുന്ന, ഏക വിദ്യാലയത്തിലെ നാലാം ക്ലാസില്‍ പഠിക്കുന്ന, കാടിനെയും മഴയെയും ഏറേ ഇഷ്ടപ്പെടുന്ന 'ചിന്നു' എന്ന പെണ്‍കുട്ടിയുടെ ഹൃദയസ്പര്‍ശിയായ കഥ പറയുന്ന ചിത്രമാണ് 'ചിന്നു'' ദി വിംഗ്‌സ് ഓഫ് ജംഗിള്‍.
മോബിന്‍ ഗോപിനാഥ് രചനയും സംവിധാനവും നിര്‍വ്വഹിക്കുന്ന 'ചിന്നു' ദി വിംഗ്‌സ് ഓഫ് ജംഗിള്‍ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍, പ്രശസ്ത നടനും സംവിധായകനും കേരള സംസ്ഥാന സംസ്‌കാരിക പ്രവര്‍ത്തക ക്ഷേമനിധി ബോര്‍ഡ് ചെയര്‍മാനുമായ മധുപാല്‍ തന്റെ ഫേസ്ബുക്ക് പേജിലൂടെ റിലീസ് ചെയ്തു.
ചിന്നുവിന്റെ ഈ ഏക വിദ്യാലയത്തിലെ അദ്ധ്യാപികയായി അവിടെ തന്നെ പഠിപ്പിച്ചിരുന്ന ഏറേ മാധ്യമശ്രദ്ധ പിടിച്ചുപറ്റിയ, കാടിനുള്ളില്‍ ഏഴു കിലോമീറ്റര്‍ പഠനോപകരണവുമായി നടന്നു എത്തിയിരുന്ന ഉഷ ടീച്ചര്‍ തന്നെ ഈ ചിത്രത്തില്‍ അഭിനയിക്കുന്നത്.
വീക്കി ഫിലിം ഫാക്ടറിയുടെ ബാനറില്‍ വി കെ സുരേഷ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം പ്രദീഷ് നെന്‍മാറ നിര്‍വ്വഹിക്കുന്നു.
സംഗീതം- വിനു കിടചൂളന്‍, എഡിറ്റര്‍- രാജേഷ് മംഗലക്കല്‍, കല- സന്തോഷ് വെഞ്ഞാറമൂട്, പ്രൊഡക്ഷന് കണ്ട്രോളര്- സുബിന്‍ സുകുമാരന്‍, ലൈന്‍ പ്രൊഡക്ഷന്- വിഷ്ണു മൂറാഡ്, സ്‌ക്രിപ്റ്റ് അസിസ്റ്റന്റ്- മീര വിക്രമന്‍, സ്റ്റില്‍സ്- ജിതേഷ് ദാമോദര്‍, പബ്ലിസിറ്റി ഡിസൈനര്‍- ടെര്‍സോക്കോ ഫിലിംസ്, പി ആര്‍ ഒ- എ എസ് ദിനേശ്.
