CNA
കൊച്ചി:
ബന്യാമനും ഇന്ദുഗോപനും തിരക്കഥ ഒരുക്കുന്നതിലൂടെ ഏറെ ശ്രദ്ധയാകര്ഷിക്കപ്പെട്ട ചിത്രത്തിന്റെ പേര് ഇന്ന് മലയാളത്തിലെ പ്രമുഖ താരങ്ങളുടെ ഫെയ്സ് ബുക്ക് പേജിലൂടെ പുറത്തുവിട്ടു. 'ക്രിസ്റ്റി' എന്നാണ് ചിത്രത്തിന്റെ പേര്.
ചിത്രത്തിലെ നായക കഥാപാത്രത്തിന്റെ പേരാണ് 'ക്രിസ്റ്റി'. യുവനിരയിലെ ശ്രദ്ധേയരായ നടന് മാത്യു തോമസാണ് ക്രിസ്റ്റിയെ അവതരിപ്പിക്കുന്നത്.
ബോളിവുഡ് അടക്കം പ്രമുഖ ഭാഷകളിലെല്ലാം ശ്രദ്ധേയയായ നടിയായ മാളവികാ മോഹനാണ് നായിക.
നവാഗതനായ ആല്വിന് ഹെന്റി സംവിധാനം ചെയ്യുന്ന ഈ ചിത്രം തീരപ്രദേശത്തിന്റെ പശ്ചാത്തലത്തിലൂടെ ഒരുങ്ങുന്ന വ്യത്യസ്ഥമായ ഒരു പ്രണയകഥയാണ് പറയുന്നത്.
കെട്ടുറപ്പുള്ള ഒരു കഥയുടെ പിന്ബലത്തിലൂടെ ഒരുങ്ങുന്ന ഈ ചിത്രം ഒരു സമൂഹത്തിന്റെ നേര്ക്കാഴ്ച്ച കൂടിയാണ്.
കായലും കടലും ഒത്തു ചേരുന്ന അപൂര്വ്വ സ്ഥലമായ പൊഴികൊണ്ട് ശ്രദ്ധേയമായ പൂവ്വാറാണു് ഈ ചിത്രത്തിന്റെ ലൊക്കേഷന്.
ജോയ് മാത്യു, വിനീത് വിശ്വം, രാജേഷ് മാധവന്, മുത്തുമണി, ജയാ എസ്. കുറുപ്പ്, വീണാ നായര്, സ്മിനു സിജോ, മഞ്ജു പത്രോസ് എന്നിവരും പ്രധാന താരങ്ങളാണ്.
കഥ- ആല്വിന് ഹെന്റി.
വിനായക് ശശികുമാര്, അന്വര് അലി, എന്നിവരുടെ വരികള്ക്ക് ഗോവിന്ദ് വസന്ത ഈണം പകര്ന്നിരിക്കുന്നു.
ആനന്ദ് സി. ചന്ദ്രന് ഛായാഗ്രഹണം നിര്വ്വഹിക്കുന്നു. എഡിറ്റിംഗ്- മനു ആന്റണി, കലാസംവിധാനം- സുജിത് രാഘവ്, മേക്കപ്പ്- ഷാജി പുല്പ്പള്ളി,
ചീഫ് അസ്സോസ്സിയേറ്റ് ഡയറക്ടര്- ഷെല്ലി ശ്രീസ്, പ്രൊഡക്ഷന് എക്സിക്യട്ടീവ്- പ്രദീപ് ഗോപിനാഥ്, വിജയ് ജി.എസ്., പ്രൊഡക്ഷന് കണ്ട്രോളര്- ദീപക് പരമേശ്വരന്.
റോക്കി മൗണ്ടന് സിനിമാസിന്റെ ബാനറില് സജയ് സെബാസ്റ്റന്, കണ്ണന് സതീശന് എന്നിവരാണ് ഈ ചിത്രം നിര്മ്മിക്കുന്നത്.
നിര്മ്മാണ പ്രവര്ത്തനങ്ങള് പൂര്ത്തിയായിവരുന്ന ഈ ചിത്രം ഫെബ്രുവരിയില് പ്രദര്ശനത്തിനെത്തുന്നു.
പബ്ലിസിറ്റി ഡിസൈനര്- ആനന്ദ് രാജേന്ദ്രന്.
- വാഴൂര് ജോസ്.
Online PR - CinemaNewsAgency.Com