സി എന് എ-
തിരു:
ചലച്ചിത്ര ടെലിവിഷന് കലാകാരന്മാരുടെയും സാങ്കേതിക വിദഗ്ദ്ധരുടെയും സംഘടനയായ കോണ്ടാക്റ്റിന്റെ ഇരുപത്തിനാലാമത് വാര്ഷികാഘോഷവും പതിമൂന്നാമത് ഷോര്ട്ട് ഫിലിം ഫെസ്റ്റിവെല്ലിന്റെയും തിരക്കഥ രചനാ മത്സരത്തിന്റെയും അവാര്ഡ് വിതരണ ചടങ്ങും തിരുവനന്തപുരം തൈക്കാട് ഭാരത് ഭവനില് ദേശീയ, സംസ്ഥാന പുരസ്കാര ജേതാവും സംവിധായകനുമായ രാജീവ്നാഥ് ഉദ്ഘാടനം ചെയ്തു.
തിരക്കഥ രചനാ മത്സര വിജയികളെ അദ്ദേഹം പ്രഖ്യാപിച്ചു. ചലച്ചിത്ര സംവിധായകനും നിരൂപകനുമായ വിജയകൃഷ്ണന് പുരസ്കാരങ്ങള് വിതരണം ചെയ്തു. ഷോര്ട്ട് ഫിലിം ഫെസ്റ്റിവല് അവാര്ഡ് വിജയകൃഷ്ണന് പ്രഖ്യാപിച്ചു. രാജീവ്നാഥ് വിതരണം ചെയ്തു. ഭാരത് ഭവന് മെമ്പര് സെക്രട്ടറി പ്രമോദ് പയ്യന്നൂര് സര്ട്ടിഫിക്കറ്റുകള് വിതരണം ചെയ്തു.
മികച്ച ഷോര്ട്ട് ഫിലിം- 'പേര്' മുഷ്താഖ് അലി.(നിര്മാണം: സുനില് ഇടക്കാടന്, ഷാജി പവിത്രന്. സംവിധാനം: രാജേഷ് മാധവന്). മികച്ച സംവിധായകന്: റ്റിറ്റോ പി. തങ്കച്ചന്.(ചിത്രം : റോബസ്റ്റ). മികച്ച തിരക്കഥ :ഡോ :റ്റി. സുരേഷ്കുമാര്. (ചിത്രം :ഒരുക്കം). മികച്ച ഛായാഗ്രഹണം : എല്ദോസ് നിരപ്പേല് ( ചിത്രം :ഗള്പ്പ്. ) മികച്ച നടന് :നജ്ജാ അബ്ദുള് ഖരീം. (ചിത്രം : മെലോഡ്രാമ). മികച്ച നടി : ആദിത്യ രഘു. (ചിത്രം : മല്ലി). മികച്ച ബാലനടിമാര് : ദേവജ്ഞന. (ചിത്രം: ഇത്തിരി വെട്ടം), നന്ദിത ദാസ്. (ചിത്രം: അതിര്) മികച്ച മ്യൂസിക്കല് ആല്ബം : പ്രിയമുള്ളൊരാള്ക്ക് (നിര്മാണം: സുഗുണ രാജന്. സംവിധാനം : ഋഷി പ്രസാദ്.)
തിരക്കഥ രചനാ മത്സരത്തില് ഒന്നാം സമ്മാനം സാബു തോമസ് രചിച്ച 'എലിപ്പെട്ടി' എന്ന തിരക്കഥയും രണ്ടാം സമ്മാനം അര്ഷാദ് കെ.വി.യുടെ 'വിളക്ക് വെളിച്ചം അന്വേഷിക്കുന്നു' വും മൂന്നാം സമ്മാനം ബ്രിജേഷ് പ്രതാപിന്റെ 'മധുരം ജീവിതം'വും നേടി.
വിജയകൃഷ്ണന് ജൂറി ചെയര്മാനും പ്രമോദ് പയ്യന്നൂര്, മുഹമ്മദ് ഷാ, ബീനാ, രഞ്ജിനി, വി. എസ്. ബിന്ദു എന്നിവരടങ്ങിയ കമ്മിറ്റിയാണ് ഷോര്ട്ട് ഫിലിം ഫെസ്റ്റിവല് ജേതാക്കളെ തെരഞ്ഞെടുത്തത്.
രാജീവ്നാഥ്, എം. എഫ്. തോമസ്, എന്. പി. സജീഷ്, സി. ആര്. ചന്ദ്രന്, കനകരാഘവന് എന്നിവരടങ്ങിയ ജൂറിയാണ് തിരക്കഥ മത്സര വിജയികളെ നിര്ണയിച്ചത്.
കോണ്ടാക്ട് പ്രസിഡന്റ് മുഹമ്മദ് ഷാ ചടങ്ങില് അധ്യക്ഷനായിരുന്നു. ജനറല് സെക്രട്ടറി സി. ആര്. ചന്ദ്രന്, വൈസ് പ്രസിഡന്റ് വഞ്ചിയൂര് പ്രവീണ്കുമാര്, ട്രഷറര് വിനീത് അനില്, സെക്രട്ടറി ആശാനായര്, പി ആര് ഒ റഹിം പനവൂര്, റ്റി. റ്റി ഉഷ, എസ്. രത്നകുമാര്, റോസ് ചന്ദ്രസേനന്, സജിത വി. ആര്, വിഷ്ണുപ്രിയ, മുഹമ്മദ് സലിം, ഷംനാദ് ജമാല്, താര നായര്, അനില് നെയ്യാറ്റിന്കര, ശ്രീല ഇറമ്പില്, ഗൗരി കൃഷ്ണ തുടങ്ങിയവര് സംസാരിച്ചു.
ഭാരത് ഭവന് മെമ്പര് സെക്രട്ടറിയും ചലച്ചിത്ര നാടക സംവിധായകനുമായ പ്രമോദ് പയ്യന്നൂര് രചനയും സംവിധാനവും നിര്വഹിച്ച 'സ്മരിപ്പിന് ഭാരതീയരെ'എന്ന ഡോക്യുഫിക്ഷന് ചടങ്ങില് പ്രദര്ശിപ്പിച്ചു.
ഭാരത് ഭവന്റെയും കേരള സംസ്ഥാന ചലച്ചിത്ര അക്കാദമിയുടെയും സഹകരണത്തോടെയാണ് ഫെസ്റ്റിവല് സംഘടിപ്പിച്ചത്.
പി.ആര്.ഒ- റഹിം പനവൂര്.
Online PR - CNA.