CNA
കൊച്ചി:
രാജീവന്‍ വെള്ളൂര്‍, രവിദാസ്, വിഷ്ണു, സെബിന്‍, നെബുല എന്നിവരെ പ്രധാന കഥാപാത്രങ്ങളാക്കി വിദ്യ മുകുന്ദന്‍ കഥ തിരക്കഥ സംഭാഷണമെഴുതി സംവിധാനം ചെയ്യുന്ന ചിത്രമാണ് 'ഡാര്‍ക് ഷെയ്ഡ് ഓഫ് എ സീക്രട്ട്'. ഈ ചിത്രത്തിന്റെ പ്രൊമോ വീഡിയോ ഗാനം, പ്രശസ്ത ഗായികമാരായ സിതാര കൃഷ്ണകുമാര്‍, സയനോര ഫിലിപ്പ് എന്നിവരുടെ ഫേയ്‌സ് ബുക്ക് പേജിലൂടെ റിലീസ് ചെയ്തു.
ജോയ് തമലം എഴുതിയ വരികള്‍ക്ക് വിനീഷ് മണി സംഗീതം പകര്‍ന്ന് രശ്മി സതീഷ് ആലപിച്ച 'പര പരാ വെളുക്കുണുണ്ടേ...' എന്നാരംഭിക്കുന്ന ഗാനമാണ് റിലീസായത്. സൈന മ്യൂസിക്കിലൂടെ ഗാനം പ്രേക്ഷകരിലെത്തുന്നു.
മലയാള സിനിമയില്‍ ആദ്യമായി ഒരു വനിതാ സംവിധായിക അവതരിപ്പിക്കുന്ന ക്രൈം ത്രില്ലര്‍ സിനിമയാണ് 'ഡാര്‍ക് ഷെയ്ഡ് ഓഫ് എ സീക്രട്ട്'.
ബിജു, കിരണ്‍ കൃഷ്ണ, വിദ്യ മുകുന്ദന്‍, ബിജു പലേരി, സന്തോഷ് ശ്രീസ്ത, ശ്യാം കണ്‍മണി, പാപ്പച്ചന്‍ ആലക്കോട്, അനീഷ് കുമാര്‍ കാപ്പിമല തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
ദൃശ്യപരമായി മാത്രമല്ല ഇതുവരെ പറയാത്ത ഒരു കഥയും ആരും പ്രതീക്ഷിക്കാത്ത ഒരു ട്വിസ്റ്റും ചേര്‍ന്ന് ആദ്യവസാനം പ്രേക്ഷകരെ എന്‍ഗേജ്ഡാക്കുന്ന ഒരു സിനിമ തന്നെ ആകും 'ഡാര്‍ക് ഷെയ്ഡ് ഓഫ് എ സീക്രട്ട്'.
നിലാ ക്രീയേറ്റീവ് മീഡിയയുടെ ബാനറില്‍ നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം മുഹമ്മദ് എ നിര്‍വഹിക്കുന്നു.
എഡിറ്റിംഗ്- റിഞ്ചു ആര്‍ വി, ജോയ് തമലം, അനില്‍ തളിക്കുളം എന്നിവരുടെ വരികള്‍ക്ക് വിനീഷ് മണി, കെ. ജെ ശ്രീരാജ്, എന്നിവര്‍ സംഗീതം പകരുന്നു.
രശ്മി സതീഷ്, മണികണ്ഠന്‍ പെരുമ്പടപ്പ് എന്നിവരാണ് ഗായകര്‍.
പശ്ചാത്തലസംഗീതം- വിനീഷ് മണി, സൗണ്ട് ഡിസൈന്‍, മിക്‌സിംഗ്- ടി കൃഷ്ണനുണ്ണി, അരുണ്‍ വര്‍മ്മ, ഡിജിറ്റല്‍ പി ആര്‍ ഒ- അനീഷ് പൗര്‍ണമി, പി ആര്‍ ഒ- ദിനേശ്.
Online PR - CinemaNewsAgency.Com
