സി എന് എ-
ഖത്തര്:
ഖത്തറിന്റെ നാഷണല് ഡേ യോട് അനുബന്ധിച്ചു ഫുട്ബോളിനെ പ്രമേയമാക്കി ചന്ദ്രകല ആര്ട്സിന്റെ ബാനറില് ലുലു മീഡിയയും റേഡിയോ മലയാളം 98.6 എഫ്എം മായി സഹകരിച്ചുകൊണ്ട് ചന്ദ്രമോഹന് പിള്ള പ്രൊഡ്യൂസ് ചെയുന്ന മ്യൂസിക്കല് വീഡിയോയാണ് 'ധൗറത്ത് അല്ഹയാത്ത്' (കാല ചക്രം).
ടിക് ടോക്കിലും മറ്റു സോഷ്യല് മീഡിയകളിലും പ്രമുഖരായിട്ടുള്ളവരും ഖത്തറിലെ റേഡിയോ മലയാളം ആര് ജെകളായ ജിബിന്, സൂരജ്, ഷഫിന്, രതീഷ്, പാര്വതി എന്നിവരോടൊപ്പം അന്സല് അബ്ദുല് ഗഫൂര്, നിയ കൃഷ്ണ, ഹാഫിസ് അഷ്റഫ്, ധനുഷ് പി.വി, ഗോകുല് എം.ബി, ധനേഷ് ബാലകൃഷ്ണന്, ജോമി ജോണ്, റോബര്ട്ട് ബാബു, ശരീഖ്, ജിഷ്ന വിമല്, ദിവ്യ സുരാജ് തുടങ്ങി ഒരുപാട് കലാകാരന്മാരും കലാകാരികളും അണിനിരക്കുന്നു.
സ്ക്രിപ്റ്റ്, എഡിറ്റിംഗ്, കാമറ, സംവിധാനം- ജിന്ഷാദ്ഗുരുവായൂര്. സംഗീതം- ജുനൈദ് മുഹമ്മദ്, ഗാന രചന- ഹരിപ്രസാദ്, പാടിയിരിക്കുന്നത്- സിയ ഉല് ഹഖ് (സൂഫിയും സുജാതയും ഫെയിം) & മൈഥിലി ഷേണായ്. മ്യൂസിക് പ്രോഗ്രാമിങ്ങ് & മിക്സിങ്- ബ്ലെസ്സണ് തോമസ്, ഫൈനല് മിക്സിങ് & മാസ്റ്ററിങ്- രഞ്ജിത്ത് സി രാജന്. അസ്സോസിയേറ്റ് ഡയറക്ടര്- ലബീബ് ഹുസൈന്, അസ്സോസിയേറ്റ് ക്യാമറാമാന്- നൗഫല് റഹിം, പ്രൊഡക്ഷന് കണ്ട്രോളര്- രാഹുല് രാജന്, കാസ്റ്റിംഗ് ഡയറക്ടര്- ആദില് ദില്ഷാദ്, ആര്ട്ട് ഡയറക്ടര്- നൗഫു സ്റ്റാംപ്ഡ്, അസിസ്റ്റന്റ് ഡയറക്ടര്സ്- വിമല് കുമാര് മണി & ജോബിന് മേനാച്ചേരി, അസിസ്റ്റന്റ് ക്യാമറാമാന്- റിയാസ് വടക്കാഞ്ചേരി.
ഖത്തറിലെ അജയാല് ഇന്റര്നാഷണല് ഫിലിം ഫെസ്റ്റിവലില് തിരഞ്ഞെടുക്കപ്പെട്ട 'ശ്രിങ്കാര്' എന്ന ഷോര്ട്ഫിലിന്റെ കാമറ കൈകാര്യം ചെയ്തിരിക്കുന്ന ജിന്ഷാദ് ഗുരുവായൂരാണ് ഈ മ്യൂസിക്കല് വീഡിയോ സംവിധാനം ചെയ്തിരിക്കുന്നത്.
ഡിസംബര് 12നു ഖത്തര് സമയം 6 .30 നു ദി മാള് സിനിമയില് വെച്ച് ഖത്തറിലെ പ്രമുഖരെ പങ്കെടുപ്പിച്ചു കൊണ്ട് ഷോര്ട് ഫിലിമിന്റെ പ്രഥമ പ്രദര്ശനം നടത്തുകയുണ്ടായി.
ഡിസംബര് 13നു ഇന്ത്യന് സമയം 7 മണിക്ക് ഗുഡ്വില് എന്റര്ടൈന്മെന്റ് യൂട്യൂബ് ചാനല് റിലീസ് ചെയ്യും.