അഞ്ജു അഷറഫ്-
കൊച്ചി:
ഫാഷന് ഡിസൈനിംഗ് പിജി ഡിപ്ലോമ എടുത്ത് നിരവധി പരസ്യ ചിത്രങ്ങളില് വര്ക്ക് ചെയ്ത എക്സ്പീരിയന്സുമായി സിനിമയിലെത്തിയ ഒറ്റപ്പാലം കാരിയാണ് ധന്യ ബാലകൃഷ്ണന്. സിനിമ ഇന്ഡസ്ട്രിയില് ധന്യയെ കൂടുതല് പരിചയപ്പെടുത്തിയത് 'കായംകുളം കൊച്ചുണ്ണി' എന്ന സിനിമയാണ്. മോഹന്ലാലും നിവിന്പോളിയും അഭിനയിച്ച റോഷന് ആന്ഡ്രൂസ് സംവിധാനം ചെയ്ത സിനിമ. മറ്റൊരു നാഴികക്കല്ലാണ് 'ടേക്ക് ഓഫ്'.
'ഞാന് ഫാഷന് ഡിസൈനിങ് പഠിച്ചത് സെന്റ് തെരെസാസ് കോളേജിലാണ്. അന്നത്തെ ഞങ്ങളുടെ പ്രധാന അധ്യാപകന് പ്രവീണ് വര്മ്മ സര് ആയിരുന്നു. 'ബിഗ് ബി', 'അന്വര്', 'സാഗര് ഏലിയാസ് ജാക്കി' തുടങ്ങിയ സിനിമകളുടെ കോസ്റ്റ്യൂം ഡിസൈനറാണ് പ്രവീണ് വര്മ്മ. കോഴ്സ് കഴിഞ്ഞു അദ്ദേഹത്തിന്റെ കൂടെ കുറെ പരസ്യചിത്രങ്ങളില് വര്ക്ക് ചെയ്തു. അതിനുശേഷമാണ് സിനിമയിലെത്തിയത്. പല പടങ്ങള് വര്ക്ക് ചെയ്തെതെങ്കിലും ബ്രേക്ക് കിട്ടിയത് 'ടേക് ഓഫ്' ലാണ്. 'കായംകുളം കൊച്ചുണ്ണി' ചെയ്തപ്പോള് കൂടുതല്പേര് അറിഞ്ഞു'വെന്ന് ധന്യ ബാലകൃഷ്ണന് പറഞ്ഞു.
കോവിഡ് കാലം ധന്യയെ സംബന്ധിച്ച് പ്രസവകാലം കൂടിയാണ്. പ്രസവം കഴിഞ്ഞു വിശ്രമിക്കാനുള്ള അവസരം. അതോടൊപ്പം രസകരമായ വ്യായാമമുറകളും.
വ്യായാമത്തെ കുറിച്ച് ധന്യ പറയുന്നത് ഇങ്ങനെ, 'മനസ്സും ശരീരവും ഏകോപിച്ചു കൊണ്ടുള്ള വ്യായാമം ശരീരത്തെ നമ്മുടെ കണ്ട്രോളില് കൊണ്ടുവരാന് സഹായിക്കും. എനിക്ക് ബോഡി വെയിറ്റ് കൂടുതലായിരുന്നു. വെയിറ്റ് കുറയ്ക്കാന് പല വഴികളും നോക്കി നടത്തം, ഓട്ടം, ഡയറ്റ് കണ്ട്രോള് എല്ലാം ചെയ്തു നോക്കി. ഒന്നും ശരിയായില്ല. 'പ്രണയമീനുകളുടെ കടല്' എന്ന സിനിമയുടെ ഷൂട്ടിംഗ് നടക്കുമ്പോള് നിര്മാതാവായ ദീപക് ജോണ് സാറിനെ പരിചയപ്പെട്ടു. അദ്ദേഹം 'എന്ഡ്യൂറാന്സ് ഫിറ്റ്നസ് ക്ലബ്ബി'ന്റെ സിഇഒ ആണ്. ഫിറ്റ്നസിനെക്കുറിച്ച് സംസാരിച്ചപ്പോള് നമ്മള് ചെയ്യുന്നതല്ല ശരിയായ മെത്തേഡ് എന്ന് പറഞ്ഞു. എന്തുചെയ്യുകയാണെങ്കിലും ഒരു സമയ പരിധി കഴിയുമ്പോള് ബോഡി അതുമായി പൊരുത്തപ്പെടും. പിന്നെ വര്ക്കൗട്ട് എന്ന രീതിയില് കൂട്ടാന് പറ്റില്ല. എന്ഡ്യൂറാന്സില് ചെയ്യുന്നത് ഓരോ ദിവസവും ഡിഫറന്റ് പാറ്റേണ് തന്നിട്ട് ശരീരത്തെ കണ്ഫ്യൂസ് ചെയ്തുകൊണ്ടിരിക്കും. അങ്ങനെ വരുമ്പോള് ശരീരത്തിന് അടാപ്റ്റ് ചെയ്യാന് പറ്റില്ല. ഇന്ന് ഒരു പാറ്റേണ് ആണ് ചെയ്യുന്നതെങ്കില് നാളെ വേറൊന്നായിരിക്കും. ദിവസവും ഇത് ഇങ്ങനെ മാറിക്കൊണ്ടിരിക്കും. ഏറോബിക്സ്, കാര്ഡിയോ, ഫ്ളെക്സിബിലിറ്റി എല്ലാം ചേര്ന്നുള്ള ട്രെയിനിങ് പാക്കിന് ട്രാന്സ്ഡ്യൂറന്സ് എന്നാണ്പേര്. നമുക്ക് ആവശ്യമുള്ള വെയ്റ്റായിക്കഴിയുമ്പോള് പിന്നീട് അത് മെയ്ന്റയിന് ചെയ്യാനുള്ള വര്ക്കൗട്ടാണ്. നമ്മള് ആരോഗ്യമായിട്ടിരിക്കാന് 70 ശതമാനവും സഹായിക്കുന്നത് ഭക്ഷണമാണ്. 30 ശതമാനം വര്ക്കൗട്ട് മതി. നമ്മുടെ സിസ്റ്റത്തിനകത്തു നിന്നുകൊണ്ട് ലൈഫ് ലോങ്ങ് എങ്ങനെ കണ്ടിന്യൂ ചെയ്യാമെന്നാണ് പഠിപ്പിക്കുന്നത്.
ഗര്ഭകാലത്ത് ഈ വ്യായാമമുറകള് എനിക്ക് വലിയ ഗുണം ചെയ്തു. പ്രസവം കഴിഞ്ഞ് ഇത്ര നാള് റസ്റ്റ് എടുക്കണം. എങ്കിലേ ബാക്ക് പെയിന്ഇല്ലാതിരിക്കു എന്ന ഒരു പഴയ വിശ്വാസമുണ്ട്. 56 ദിവസം കഴിഞ്ഞ് ഞാന് വര്ക്കൗട്ട് ചെയ്തു തുടങ്ങിയപ്പോള് വീട്ടില് ഭയങ്കര ബഹളമായിരുന്നു. പ്രസവ രക്ഷ എന്ന് പറയുന്ന സംഭവം നമ്മുടെ വെയിറ്റ് കൂട്ടും. അത്യാവശ്യം ഞാനും പ്രസവരക്ഷ ചെയ്തിരുന്നു. പക്ഷെ വര്ക്കൗട്ട് ചെയ്യാന് തുടങ്ങിയതിനുശേഷമാണ് പഴയ രീതിയിലേക്ക് എത്തിയത്. എനര്ജി ലെവല് വീണ്ടെടുക്കാന് സാധിച്ചു. പ്രസവം കഴിഞ്ഞ് എത്രയും നേരത്തെ വര്ക്കൗട്ട് ചെയ്യാന് പറ്റിയാല് അത്രയും നല്ലതാണ്. വൈകുന്തോറും വയറിന്റെ ഭാഗം ശരിയായി വരാന് പ്രശ്നമാകും. ഗര്ഭകാല വ്യായാമം പോസിറ്റീവായെടുക്കണം. പ്രസവകാലത്ത് വളരെ ഹെല്പ്പ്ഫുള്ളാണത്. ഗര്ഭാവസ്ഥയില് വ്യായാമം ചെയ്യുമ്പോള് പലരും പലതും പറഞ്ഞ് എന്നെ ഭയങ്കരമായി പേടിപ്പിച്ചിരുന്നു. പക്ഷേ പ്രസവ സമയത്ത് ഒരു പ്രയാസവും എനിക്ക് ഉണ്ടായില്ല. ഗര്ഭാവസ്ഥയില് സെലബ്രിറ്റികളായ ധാരാളം പേര് പ്രസവ കാലത്തു വ്യായാമം ചെയ്യുന്നുണ്ട്. അതിന്റെ ഫോട്ടോകള് അവര് തന്നെ സോഷ്യല് മീഡിയയില് ഷെയര് ചെയ്യുണ്ട്. അതൊക്കെ കാണുമ്പോള് നല്ലതാണെന്ന് മനസ്സിലാക്കി കുറച്ചുപേരെങ്കിലും ചെയ്യാന് തയ്യാറായാല് നല്ലതല്ലേ.
പ്രസവ കാലം കഴിഞ്ഞു ഞാന് ആദ്യം ചെയ്ത സിനിമ ജിയോ ബേബി സംവിധാനം ചെയ്ത 'ഗ്രേറ്റ് ഇന്ത്യന് കിച്ചന്'ആണ്. രാഹുല് രവി നായര് സംവിധാനം ചെയ്ത 'ഖോ ക്കോ', സുനില് അസീസ് സംവിധാനം ചെയ്ത 'ഫോര്' എന്നീ സിനിമകളുടെ വര്ക്ക് കഴിഞ്ഞു.
വിനയന് സാര് സംവിധാനം ചെയ്യുന്ന 'പത്തൊമ്പതാം നൂറ്റാണ്ട്' എന്ന പീരിയോഡിക്കല് സിനിമയുടെ വര്ക്ക് ഉടനെ തുടങ്ങും. അത് വലിയ പടമാണ്. ഒരുപാട് ദിവസം വേണ്ടിവരും. എന്റെ വര്ക്ക് ഇപ്പോഴേ തുടങ്ങി. ഇതിനിടയില് വേറെ സിനിമകളൊന്നും ചെയ്യാന് പറ്റില്ല. പരസ്യചിത്രങ്ങള് ചെയ്യുന്നുണ്ട്.
ട്രാന്സ് ഡ്യൂറന്സ് എന്ന വ്യായാമരീതി വളരെ ഇന്ട്രെസ്റ്റിംഗ് ആയ സംഭവമാണ്. വലിയ ഫീസ് ഒന്നുമില്ല. സര്വീസ് മെന്റാലിറ്റിയില് ചെയ്യുന്ന സംഗതിയാണ്. ജിമ്മില് പോകണമെന്നു പലര്ക്കും ആഗ്രഹം ഉണ്ടാവും. പക്ഷെ ഫണ്ട് ഇല്ലാത്തതുകൊണ്ടും മറ്റു പല കാരണങ്ങള് കൊണ്ടും ജിമ്മില് പോകാന് പറ്റാത്തവര്ക്ക് ഇത് ഗുണം ചെയ്യും. നിരന്തരം ട്രാവല് ചെയ്യുന്നവര് ഉണ്ടാവും. അവര്ക്കെല്ലാം ഈ വര്ക്കൗട്ട് പാറ്റേണ് വളരെ നല്ലതാണ്. ജിമ്മില് ബോയ്സിന് മാത്രമേ പോകാന് പാടുള്ളൂ ഗേള്സിന് പോകാന് പാടില്ല അങ്ങനെ ഉണ്ടല്ലോ. അതൊക്കെ മാറി ഇപ്പോള് പെണ്കുട്ടികളും ധാരാളമായി ഇതൊക്കെ ചെയ്യാന് തുടങ്ങിയിരിക്കുന്നു.