അഞ്ജു അഷറഫ്-
കൊച്ചി:
തിരുവനന്തപുരം കൊല്ലം ജില്ലകളിലെ മുഴുവന് തിയേറ്റര് ജീവനക്കാരെയും പങ്കെടുപ്പിച്ചുകൊണ്ട് സിനിമ തീയേറ്ററുകളില് സെക്കന്ഷോ അനുവദിക്കണമെന്ന് ആവശ്യവുമായി തിരുവനന്തപുരം ജില്ല തിയേറ്റര് വര്ക്കേഴ്സ് അസോസിയേഷന്റെ നേതൃത്വത്തില് മാര്ച്ച് എട്ടിന് സെക്രട്ടറിയേറ്റ് പടിക്കല് ധര്ണ നടത്തും.
തിങ്കളാഴ്ച രാവിലെ 10 മണിക്ക് വി ജെ ടി ഹാളിനു മുന്നില് ഒത്തുചേര്ന്ന് ജാഥയായിട്ടാണ് സെക്രട്ടറിയേറ്റിനു മുന്നിലേക്ക് പോവുക.
സിനിമ തിയേറ്ററുകളില് ഏറ്റവും കൂടുതല് കളക്ഷന് കിട്ടുന്നത് സെക്കന്ഡ് ഷോ സമയത്താണ്.
കുടുംബസമേതം ആളുകള് സിനിമ കാണാന് എത്തുന്നതും സെക്കന്ഡ് ഷോക്കാണ്.
സെക്കന്ഡ് ഷോ അനുവദിക്കണമെന്ന് ആവശ്യപ്പെട്ടു കൊണ്ട് ഫിലിം ചേമ്പര് സര്ക്കാരിന് കത്ത് നല്കിയിരുന്നെങ്കിലും നടപടി ഉണ്ടായില്ല.
തെരഞ്ഞെടുപ്പ് പ്രഖ്യാപിച്ചതോടെ പെരുമാറ്റച്ചട്ടം നിലവില് വരികയും ചെയ്തു. അതോടെ വീണ്ടും പ്രതിസന്ധിയായി.
കഴിഞ്ഞ ദിവസം എറണാകുളത്ത് ഫിലിം ചേംബര് വിളിച്ചുകൂട്ടിയ യോഗത്തില് തീയേറ്ററുകള് അടച്ചു പൂട്ടേണ്ടതില്ലെന്നും ശനിയാഴ്ച സംസ്ഥാന ചീഫ് സെക്രട്ടറിയുമായി ചര്ച്ച നടത്താമെന്ന ധാരണയില് എത്തുകയും ചെയ്തു.
ശനിയാഴ്ച ചീഫ് സെക്രട്ടറിയുമായി കൂടികാഴ്ച്ച നടക്കാനിരിക്കെയാണ് തിരുവനന്തപുരം കൊല്ലം ജില്ലകളിലെ സിനിമ പ്രവര്ത്തകര് സെക്രട്ടറിയേറ്റിനു മുന്നില് ധര്ണ നടത്തുമെന്ന് അറിയിച്ചിരിക്കുന്നത്.