അഞ്ജു അഷറഫ്-
കൊച്ചി:
'സൂത്രക്കാരന്', 'കെട്ട്യോളാണ് എന്റെ മാലാഖ' എന്നീ ചിത്രങ്ങള്ക്കു ശേഷം സ്മൃതി ഫിലിംസിന്റെ ബാനറില് വിച്ചു ബാലമുരളി നിര്മ്മിക്കുന്ന പുതിയ സിനിമയുടെ ചിത്രീകരണം ഫെബ്രുവരി 21 ന് ഞായറാഴ്ച കൊച്ചിയില് ആരംഭിച്ചു.
നവാഗതനായ സാഗര് ഹരി തിരക്കഥ എഴുതി സംവിധാനം ചെയ്യുന്ന സിനിമക്ക് ഇനിയും പേരിട്ടിട്ടില്ല.
എറണാകുളം സെന്റ് ആല്ബര്ട്സ് ഹയര് സെക്കണ്ടറി സ്ക്കൂളിലായിരുന്നു തുടക്കം.
പ്രമുഖ നിര്മ്മാതാവ് ലിസ്റ്റിന് സ്റ്റീഫന്, ശ്രീമതി ബെനീറ്റാ സ്റ്റീഫന്, വിച്ചു ബാലമുരളി, സാഗര് ഹരി, നടി അംബിക, സന്തോഷ് കൃഷ്ണന്, സഞ്ജു വൈക്കം, ശ്രീജിത്ത് രവി, എന്നിവര് പൂജാ വിളക്കിലെ ദീപം തെളിച്ചു.
തുടര്ന്ന് ലിസ്റ്റിന് സ്റ്റീഫന് സ്വിച്ചോണ് കര്മ്മവും അഡ്വ. ബാലമുരളി ഫസ്റ്റ് ക്ലാപ്പും നല്കി. നടി അംബികയാണ് ആദ്യ ഷോട്ടില് അഭിനയിച്ചത്. ഐപിഎസ് ലഭിച്ച ഒരു പൊലീസ് ഉദ്യോഗസ്ഥന്റെ ഔദ്യോഗിക ജീവിതത്തിലെ ആദ്യത്തെ കേസ് അന്വേഷണമാണ് ഏറെ ഉദ്വേഗത്തോടെ ചിത്രത്തില് അവതരിപ്പിക്കുന്നതെന്ന് സംവിധായകന് സാഗര് ഹരി പറഞ്ഞു.
ധ്യാന് ശ്രീനിവാസനാണ് ഈ ചിത്രത്തില് കേന്ദ്രകഥാപാത്രത്തെ അവതരിപ്പിക്കുന്നത്.
ധ്യാന് ശീനിവാസന് ഇതുവരെ അവതരിപ്പിച്ച കഥാപാത്രങ്ങളില് നിന്നു തികച്ചും വ്യത്യസ്ഥമായി ഇതുവരെ പ്രതിനിധാനം ചെയ്തു പോന്ന ഹ്യൂമര് കഥാപാത്രങ്ങളില് നിന്നുമാറി, തികച്ചും ഗൗരവ പ്രാധാന്യമുള്ള കഥാപാത്രം.
ധ്യാന് ആദ്യമായി ഒരു പൊലീസ് കഥാപാത്രത്തെ അവതരിപ്പിക്കുന്നു.
ഇന്ദ്രന്സ്, ഡോ.റോണി, ജോണി ആന്റണി, ശീജിത്ത് രവി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
സംഗീതം- ദീപക് അലക്സാണ്ടര്, ഛായാഗ്രഹണം- ധനേഷ് രവീന്ദ്രനാഥ്, എഡിറ്റിംഗ്- അജീഷ് ആനന്ദ്.
കലാസംവിധാനം- പ്രദീപ് എം.വി., മേക്കപ്പ്- അരുണ് ആയൂര്, കോസ്റ്റ്യും ഡിസൈന്- സുജിത് മട്ടന്നൂര്, ചീഫ് അസ്സോസ്സിയേറ്റ് ഡയറക്ടര്- മനീഷ് ഭാര്ഗവന്, പ്രൊജക്റ്റ് ഡിസൈനര്- മാര്ട്ടിന് ജോര്ജ്, ലൈന് പ്രൊഡ്യൂസര്- സന്തോഷ് കൃഷ്ണന്, പ്രൊഡക്ഷന് കണ്ട്രോളര്- സഞ്ജു വൈക്കം, പ്രൊഡക്ഷന് എക്സിക്യൂട്ടീവ്- ആന്റണി ഏലൂര്.
കൊച്ചിയില് ചിത്രീകരണം ആരംഭിച്ച സിനിമ മാജിക്ക് ഫ്രെയിം റിലീസ് പ്രദര്ശനത്തിനെത്തിക്കുന്നു. പി ആര് ഒ- വാഴൂര് ജോസ്, ഫോട്ടോ- പ്രേംലാല് പട്ടാഴി.