CNA
ഒറ്റപ്പാലം:
കഴിഞ്ഞ ഏഴ് വര്ഷമായി പാലക്കാട് ജില്ലയിലെ ഒറ്റപ്പാലം കേന്ദ്രീകരിച്ച് പ്രവര്ത്തിക്കുന്ന നല്ല സിനിമയെ സ്നേഹിക്കുന്ന സാംസ്ക്കാരിക പ്രവര്ത്തകരുടെ കൂട്ടായ്മയാണ് 'ഡയലോഗ് ഫിലിം സൊസൈറ്റി'.
കലാമൂല്യം ഉള്ളതും സാമൂഹ്യ പ്രസക്തവുമായ ചലച്ചിത്രങ്ങള് കാണാനും ജനങ്ങള്ക്കിടയില് പ്രദര്ശിപ്പിക്കാനും 2012 മുതല് നടത്തിയ ഇടപെടലുകളാണ് 2016 ല് ഫിലിം സൊസൈറ്റിയായി രൂപം പ്രാപിച്ചത്.
2016 മുതല് 2020 വരെയുള്ള വര്ഷങ്ങളില് നാല് ദിവസം നീണ്ടു നില്ക്കുന്ന അന്താരാഷ്ട്ര ചലച്ചിത്രോത്സവവും വിവിധ അനുബന്ധ പരിപാടികളും സംഘടിപ്പിച്ചു.
മലയാളത്തിലെ സ്വതന്ത്രസിനിമയെ പിന്തുണയ്ക്കുകയും രാഷ്ട്രീയ നിലപാടുകള് തുറന്നു പറയുകയും ചെയ്യുന്ന 'ഡയലോഗ് അന്താരാഷ്ട്ര ചലച്ചിത്രോത്സവം' കേരളത്തിലെ പ്രാദേശിക ചലച്ചിത്രോത്സവങ്ങള്ക്കിടയില് ഏറെ ശ്രദ്ധേയമായി തീര്ന്നിട്ടുണ്ട്.
കേരള ചലച്ചിത്ര അക്കാദമി, ഫെഡറേഷന് ഓഫ് ഫിലിം സൊസൈറ്റീസ് ഇന്ത്യ (കേരളം) വിവിധ സര്ക്കാര് സര്ക്കാരിതര സ്ഥാപനങ്ങള്, സംഘടനകള്, സാംസ്കാരിക പ്രവര്ത്തകര് എന്നിവയുമായി സഹകരിച്ച് ഒട്ടേറെ പ്രവര്ത്തനങ്ങള് സംഘടിപ്പിക്കാനായി.
ഓരോ വര്ഷവും അന്താരാഷ്ട്ര ചലച്ചിത്രോത്സവത്തിന്റെ ഭാഗമായി പാലക്കാട്, തൃശ്ശൂര് ജില്ലകളിലെ കോളേജുകള്, സ്കൂളുകള്, വായനശാലകള്, ക്ലബ്ബുകള്, റസിഡന്സ് അസോസിയേഷനുകള് എന്നിവയുമായി സഹകരിച്ച് നടത്തുന്ന 'സഞ്ചരിക്കുന്ന സിനിമ വണ്ടി' പ്രധാന പ്രവര്ത്തനങ്ങളില് ഒന്നാണ്.
ചലച്ചിത്ര പ്രദര്ശനങ്ങള്ക്കു പുറമേ സംവിധായകരുമായുള്ള മുഖാമുഖം, ഓപ്പണ് ഡയലോഗ്, ചലച്ചിത്രാസ്വാദന ക്യാമ്പ്, ഷോര്ട്ട് ഫിലിം മത്സരം, സബ്ടൈറ്റില് വര്ക്ക്ഷോപ്പ്, ഫോട്ടോ പെയിന്റിങ് എക്സിബിഷനുകള്, ഇന്സ്റ്റലേഷന്, പുസ്തകോത്സവം, മ്യൂസിക് ഇവന്റ്, ഓണ്ലൈന് പരിപാടികള് എന്നിവയും സംഘടിപ്പിച്ചിട്ടുണ്ട്.
പ്രളയകാലത്തും കോവിഡ് 19ന്റെ സാഹചര്യത്തിലും സന്നദ്ധ സേവന പ്രവര്ത്തനങ്ങള്ക്ക് ഡയലോഗ് നേതൃത്വം നല്കി. ദുരിത ബാധിത പ്രദേശങ്ങളിലേക്ക് അവശ്യ വസ്തുക്കളും ആരോഗ്യ കേന്ദ്രങ്ങളിലേക്ക് ഉപകരണങ്ങളും എത്തിച്ചു.
ജനാധിപത്യ മതനിരപേക്ഷ പ്രസ്ഥാനങ്ങളുമായും വ്യക്തികളുമായും ചേര്ന്ന് കാലികപ്രസക്തമായ സംവാദങ്ങളും പ്രതികരണങ്ങളും നടത്താറുണ്ട്.
എന്നാല് ലോക് ഡൗണിന്റെ സാഹചര്യത്തില് 2021 ല് ഫെസ്റ്റിവല് സംഘടിപ്പിക്കാന് സാധിച്ചില്ല.
ആറാമത് അന്താരാഷ്ട്ര ചലച്ചിത്രോത്സവം
2022 ഫെബ്രുവരി 26, 27, 28, മാര്ച്ച് 1 തീയ്യതികളില് ഒറ്റപ്പാലം ലക്ഷ്മി പിക്ചര് പാലസില് നടക്കും.
ലോകസിനിമ, ഇന്ത്യന് സിനിമ, മലയാളം സിനിമ ഇന്ന്, ഹോമേജ്, ഡയറക്ടര് ഫോക്കസ്, അനിമേഷന്, ഡോക്യുമെന്ററി വിഭാഗങ്ങളിലായി 40 ഓളം ചിത്രങ്ങള് പ്രദര്ശിപ്പിക്കും.
'ആഗോളവത്ക്കരണത്തിന്റെ 3 പതിറ്റാണ്ടുകള്' എന്നതാണ് ഈ വര്ഷത്തെ പ്രമേയം.
വിപുലമായ ഉദ്ഘാടന സമാപന സമ്മേളനങ്ങളിലും സംവാദങ്ങളിലും രാജ്യാന്തര പ്രശസ്തരായ ചലച്ചിത്ര പ്രവര്ത്തകര് പങ്കെടുക്കും.
ഓപ്പണ് ഡയലോഗ്, സംവിധായകരുമായി മുഖാമുഖം, സഞ്ചരിക്കുന്ന സിനിമാ വണ്ടി, ഹല്ലാ ബോല് (സഫ്ദര് ഹാഷ്മി അനുസ്മരണം) ഇന്ത്യന് കര്ഷക പോരാട്ടത്തിന് ഐക്യദാര്ഢ്യം, ഇന്ഡി മ്യൂസിക് ഫെസ്റ്റിവല്, പുസ്തകോത്സവം, കവിയരങ്ങ്, ഫോട്ടോ എക്സിബിഷന്, കള്ച്ചറല് നൈറ്റ് തുടങ്ങിയവ ചലച്ചിത്രോത്സവത്തിന് അനുബന്ധമായി സംഘടിപ്പിക്കാന് തീരുമാനിച്ചിട്ടുള്ളതായി ആറാമത് ഡയലോഗ് അന്താരാഷ്ട്ര ചലച്ചിത്രോത്സവം ഒറ്റപ്പാലം സംഘാടക സമിതി അംഗങ്ങള് അറിയിച്ചു.
കൂടുതല് വിവരങ്ങള്ക്ക് ബന്ധപ്പെടുക: 9495464563, 9645542568
Online PR - CinemaNewsAgency.Com