സി എന് എ-
ചെന്നൈ:
ദേശീയ പുരസ്കാര ജേതാവായ തമിഴ് സിനിമാ സംവിധായകന് എസ്.പി. ജനനാഥന്(61) അന്തരിച്ചു.
ഹൃദയാഘാതത്തെ തുടര്ന്ന് ഞായറാഴ്ച്ച രാവിലെ പത്ത് മണിയോടെയായിരുന്നു അന്ത്യം.
ആരോഗ്യപ്രശ്നങ്ങളെ തുടര്ന്ന് രണ്ട് ദിവസമായി ചെന്നൈയിലെ സ്വകാര്യ ആശുപത്രിയില് ചികിത്സയിലായിരുന്നു.
വീട്ടില് അബോധാവസ്ഥയില് കിടന്നിരുന്ന സംവിധാന സഹായികളാണ് അദ്ദേഹത്തെ ആശുപത്രിയില് എത്തിച്ചത്.
വിജയ് സേതുപതി കേന്ദ്ര കഥാപാത്രമാകുന്ന 'ലാഭം' എന്ന ചിത്രമാണ് ഇപ്പോള് അദ്ദേഹം സംവിധാനം ചെയ്തിരുത്. ഇതിന്റെ പോസ്റ്റ്പ്രൊഡക്ഷന് ജോലികള് നടന്നുകൊണ്ടിരിക്കുകയാണ്.
ഇതിനിടെ കഴിഞ്ഞ ദിവസം ഉച്ചഭക്ഷണം കഴിക്കാനായി വീട്ടിലേക്ക് പോയി ദീര്ഘനേരമായിട്ടും മടങ്ങി വരാത്തതിനെ തുടര്ന്ന് സംവിധാന സഹായികള് അന്വേഷിച്ച് വീട്ടില് എത്തിയപ്പോഴാണ് അദ്ദേഹത്തെ അബോധാവസ്ഥയില് കണ്ടത്.
ജനനാഥന് 2003 ല് സംവിധാനം ചെയ്ത ആദ്യ സിനിമയായ 'ഇയര്ക്കൈ' തമിഴിലെ മികച്ച ഫീച്ചര് സിനിമയ്ക്കുള്ള ദേശീയ പുരസ്കാരം നേടിയിരുന്നു. 'ഇ', 'പേരാണ്മൈ' , 'പുറമ്പോക്ക് എങ്കിറ പൊതുവുടമൈ' എന്നിവയാണ് അദ്ദേഹം സംവിധാനം ചെയ്ത മറ്റു ചിത്രങ്ങള്.