CNA
കൊച്ചി:
യുവ സംവിധായകരില് ഏറെ ശ്രദ്ധേയനായ സിദ്ധാര്ത്ഥ് ഭരതന് സംവിധാനം ചെയ്യുന്ന 'ജിന്ന്' എന്ന ചിത്രത്തിന്റെ നിര്മ്മാണ പ്രവര്ത്തനങ്ങള് പൂര്ത്തിയായി വരുന്നു. ഈ ചിത്രം മെയ് പതിമൂന്നിന് പ്രദര്ശനത്തിനെത്തുന്നു.
ഏറെ ശ്രദ്ധേയങ്ങളായ 'ചന്ദ്രേട്ടന് എവിടെയാ', 'വര്ണ്യത്തില് ആശങ്ക' എന്നീ ചിത്രങ്ങള്ക്കു ശേഷം സിദ്ധാര്ത്ഥ് ഭരതന് സംവിധാനം ചെയ്യുന്ന ചിത്രം കൂടിയാണിത്.
സ്ട്രെയ്റ്റ് ലൈന് സിനിമാസിന്റെ ബാനറില് സുധീര് വി.കെ, മനു വലിയ വീട്ടില് എന്നിവര് ചേര്ന്നാണ് ഈ ചിത്രം നിര്മ്മിക്കുന്നത്.
കാസര്ക്കോടും, മംഗലാപുരവുമായിരുന്നു ഈ ചിത്രത്തിന്റെ പ്രധാന ലൊക്കേഷനുകള്. കാസര്ക്കോടിന്റെ വരണ്ട ഭൂപ്രദേശങ്ങള് ഈ ചിത്രത്തിന്റെ കഥക്ക് വേണ്ടി വന്നിരുന്നു. ഈ സിനിമക്ക് ഏറെ അനുയോജ്യമായ ലൊക്കേഷനുകള് ഇവിടെ ലഭിക്കുകയുണ്ടായിയെന്ന് സംവിധായകനായ സിദ്ധാര്ത്ഥ് ഭരതന് പറഞ്ഞു.
നാട്ടിലെ ഒരു തീപ്പെട്ടിക്കമ്പനിയില് ജോലി നോക്കുന്ന ലാലപ്പന് എന്ന യുവാവിനെ പ്രധാനമായും കേന്ദ്രീകരിച്ചു കൊണ്ടാണ് ഈ ചിത്രത്തിന്റെ കഥാപുരോഗതി.
സൗബിന് ഷാഹിറാണ് ഈ കഥാപാത്രത്തെ അവതരിപ്പിക്കുന്നത്.
ഒരു പ്രത്യേക സാഹചര്യത്തില് സ്വന്തം നാട്ടില് നിന്നും മറ്റൊരു നാട്ടിലേക്ക് മാറി നില്ക്കേണ്ടതായി വരുന്നു ലാലപ്പന്.
പുതിയ സ്ഥലം, പുതിയ സാഹചര്യം, ഇവിടെ ലാലപ്പന്റെ ജീവിതത്തിന് പുതിയ ചില വഴിത്തിരിവുകള് കൂടി വന്നു ചേരുകയാണ്.
ഈ സംഭവങ്ങളുടെ ചലച്ചിത്രാവിഷ്ക്കാരണമാണ് ഈ ചിത്രം.
സൗബിനാപ്പം മലയാളത്തിലെ മുന്നിര യുവതാരങ്ങളായ ഷറഫുദ്ദീനും ഷൈന് ടോം ചാക്കോയും പ്രധാന കഥാപാത്രങ്ങളെ അവതരിപ്പിക്കുന്നത്.
ശാന്തി ബാലചന്ദ്രനാണ് നായിക. സാബുമോന് ('തരികിട' സാബു), ജാഫര് ഇടുക്കി, നിഷാന്ത് സാഗര്, ജിലു ജോസഫ്, കെ.പി.എ.സി. ലളിത, എന്നിവരും പ്രധാന താരങ്ങളാണ്.
'കലി' എന്ന ചിത്രത്തിലൂടെ ശ്രദ്ധേയനായ രാജേഷ് ഗോപിനാഥാണ് ഈ ചിത്രത്തിന്റെ തിരക്കഥ.
സന്തോഷ് വര്മ്മ, അന്വര് അലി എന്നിവരുടെ വരികള്ക്ക് പ്രശാന്ത് പിള്ള ഈണം പകര്ന്നിരിക്കുന്നു.
ഗിരീഷ് ഗംഗാധരന് ഛായാഗ്രഹണവും, ദീപു ജോസഫ് എഡിറ്റിംഗും നിര്വ്വഹിക്കുന്നു. കലാസംവിധാനം- ഗോകുല്ദാസ്, അഖില് രാജ് ചിറയില്, മേക്കപ്പ്- ആര്.ജി. വയനാടന്, കോസ്റ്റ്യൂം ഡിസൈന്- മഹര് ഹംസ, അസ്സോസ്സിയേറ്റ് ഡയറക്ടര്- സുധീഷ് ഗോപിനാഥന്, സംലട്ടനം- ജോളി ബാസ്റ്റ്യന്, മാഫിയാ ശശി.
എക്സിക്കുട്ടീവ് പ്രൊഡ്യൂസര്- ജംനീഷ് തയ്യില്, പ്രൊഡക്ഷന് എക്സിക്കുട്ടീവ്- നസീര് കാരന്തൂര്, പ്രൊഡക്ഷന് കണ്ട്രോളര്- മനോജ് കാരന്തൂര്.
- വാഴൂര് ജോസ്.
ഫോട്ടോ- രോഹിത് കെ. സുരേഷ്.
Online PR - CinemaNewsAgency.Com