സി എന്‍ എ-
തിരു:
കര്‍ണാടക സംഗീതത്തിലെ ഇന്ത്യയിലെ ആദ്യത്തെ മതമൈത്രി സംഗീതജ്ഞനും ചലച്ചിത്ര സംഗീത സംവിധായകനുമായ ഡോ: വാഴമുട്ടംബി.
ചന്ദ്രബാബു റമളാന്‍ വ്രതത്തോടനുബന്ധിച്ച് നടത്തുന്ന സംഗീതോപാസന ശ്രദ്ധേയവും ഭക്തിസാന്ദ്രവുമാകുന്നു. റമളാന്റെ ആദ്യത്തെ 15 ദിനങ്ങളില്‍ചന്ദ്രബാബു രചിച്ച കീര്‍ത്തനങ്ങളായിരുന്നു സംഗീതം നല്‍കി ആലപിച്ചത്.
തുടര്‍ന്നുള്ള 15 ദിവസങ്ങളില്‍ പൂവച്ചല്‍ഖാദര്‍, പനച്ചമൂട് ഷാജഹാന്‍, റഹിം പനവൂര്‍, കൈതപ്രംദാമോദരന്‍ നമ്പൂതിരി, ഷജീര്‍, റഫീഖ് ഇല്ലിക്കല്‍, സ്വാമി അശ്വതി തിരുനാള്‍, കണിയാപുരം ബദറുദ്ദീന്‍ മൗലവി, വിഭുകൃഷ്ണന്‍, കെ. ജയകുമാര്‍, പ്രഭാവര്‍മ, വിജുശങ്കര്‍, റഫീഖ് അഹമ്മദ്, ഗിന്നസ് സത്താര്‍, ബി. കെ. ഹരിനാരായണന്‍ എന്നീപ്രമുഖരുടെരചനകളാണ് സംഗീതം നല്‍കി കീര്‍ത്തനങ്ങളാക്കിസംഗീതാര്‍ച്ചന നടത്തുന്നത്.
ദൈവത്തെയും റംസാന്‍ വ്രതത്തെയും മതസൗഹാര്‍ദ്ദത്തെയും പ്രകീര്‍ത്തിച്ചു കൊണ്ടുള്ള വരികളാണ് ചന്ദ്രബാബുവിന്റെ ഈണത്തിലും ആലാപനത്തിലും അതീവ ഹൃദ്യമാക്കിയിട്ടുള്ളത്. ഫെയ്‌സ്ബുക്ക്, ട്വിറ്റര്‍, വാട്ട്‌സ് ആപ്പ് തുടങ്ങിയവയിലൂടെയാണ് സംഗീതാര്‍ച്ചന മറ്റുള്ളവരില്‍ എത്തിക്കുന്നത്.
റമളാന്റെ 30 ദിവസങ്ങളിലും സംഗീതാര്‍ച്ചന നടത്തുന്ന ചന്ദ്രബാബുവിനെ പ്രമുഖര്‍ ഉള്‍പ്പെടെനിരവധിപേര്‍ അഭിനന്ദിച്ചു. മേയ് 5ന് ചന്ദ്രബാബുവിന്റെ ജന്മദിനമായിരുന്നു. റമളാന്‍ സംഗീതോപാസനയെ അഭിനന്ദിച്ചും ജന്മദിനാശംസകള്‍ നേര്‍ന്നും നിരവധിപേര്‍ സന്ദേശമയച്ചെന്നും അതില്‍ ഒരുപാട് സന്തോഷവും അഭിമാനവുമുണ്ടെന്നും ഡോ: വാഴമുട്ടം ബി. ചന്ദ്രബാബു പറഞ്ഞു.
- റഹിം പനവൂര്‍.
