സി എന് എ-
കൊച്ചി:
മലയാളി പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന ജീത്തു ജോസഫ് എഴുതി സംവിധാനം ചെയ്ത 'ദൃശ്യം 2' ഫെബ്രുവരി 19ന് ആമസോണ് പ്രൈമില് റിലീസ് ചെയ്യും.
ചിത്രത്തിന്റെ ടീസര് യൂട്യൂബില് ആമസോണ് ജനുവരി ഒന്നിന് പുറത്തുവിട്ടിരുന്നു.
മീന, സിദ്ദിഖ്, ആശ ശരത്, മുരളി ഗോപി, അന്സിബ, എസ്ഥേര്, സായികുമാര് എന്നിവര് പ്രധാന വേഷങ്ങളില് എത്തുന്നു. ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ദൃശ്യം 2 നിര്മ്മിച്ചിരിക്കുന്നത്.
'ജോര്ജ് കുട്ടിയുടെയും കുടുംബത്തിന്റെയും കഥ ഞങ്ങള് എവിടെ നിര്ത്തിയോ അവിടെ നിന്ന് മുന്നോട്ട് കൊണ്ടുപോകുന്നു. ഈ വര്ഷത്തെ ഏറ്റവും പ്രതീക്ഷയോടെ കാത്തിരുന്ന സിനിമകളിലൊന്ന് റിലീസ് ചെയ്യുന്നതിന് ആമസോണ് പ്രൈം വിഡിയോയുമായി സഹകരിക്കുന്നതില് ഞാന് സന്തുഷ്ടനാണ്.
ലോകമെമ്പാടുമുള്ള കാഴ്ചക്കാര് ദൃശ്യത്തിന്റെ തുടര്ച്ചയ്ക്കായി ക്ഷമയോടെ കാത്തിരുന്നതായി നമുക്കറിയാം 'ദൃശ്യം 2' സ്നേഹത്തിന്റെ അധ്വാനമാണ്. അതിനാല് നിങ്ങളുടെ കുടുംബത്തോടൊപ്പം പ്രിയപ്പെട്ടവരുമൊന്നിച്ച് നിങ്ങളുടെ വീടുകളുടെ സുരക്ഷയില് ഇരുന്ന് തന്നെ ചിത്രത്തെ ആസ്വദിക്കൂ.' ചിത്രത്തെക്കുറിച്ച് നടന് മോഹന്ലാല് പറയുന്നു.