CNA
കണ്ണൂര്:
ലോക നാടകദിനത്തോടാനുബന്ധിച്ച് (World Thetare Day) ഭാരതത്തിലെ പ്രമുഖ മള്ട്ടിമീഡിയ പരിശീലന കേന്ദ്രമായ ഇമേജ് ക്രീയേറ്റീവ് എഡ്യൂക്കേഷനും, കണ്ണൂര് ഫിലിം ചേമ്പറും സംയുക്തമായി നടത്തിയ ദൃശ്യോത്സവം 2022 വേറിട്ട ഒരനുഭവമായി.
ഫെഡറേഷന് ഓഫ് ഫിലിം സൊസൈറ്റീസ് ഓഫ് ഇന്ത്യ റീജിയണല് മെമ്പര് ആയ സി. മോഹന് ഉദ്ഘാടനം നിര്വഹിച്ചു.
ഇമേജ് കണ്ണൂര് ശാഖാ മാനേജര് ആയ സാജന് അധ്യക്ഷത വഹിച്ചു. ഇമേജിലെ കരിയര് കണ്സല്ട്ടന്റ് ആയ ഷാലിമ ദേവസ്യ സ്വാഗതം ആശംസിച്ചു.
കണ്ണൂര് ഫിലിം ചേമ്പര് പ്രസിഡന്റ് ഇ എം ഷാഫി, ജനറല് സെക്രട്ടറി ജമാല് കണ്ണൂര് സിറ്റി, ചീഫ് കോ ഓര്ഡിനേറ്റര് മഹേഷ് കമ്മത്ത്, പ്രശസ്ത ഛായാഗ്രാഹകനായ ജലീല് ബാദുഷ, സിനിമാ സംവിധായകരായ ബിജു സി ദാമോദരന്, വിജേഷ് വെണ്ണില എന്നിവര് ആശംസകള് അര്പ്പിച്ചു.
ഫിലിം ചേമ്പര് ജോയിന്റ് സെക്രട്ടറി ശ്രീമതി പ്രിയ കെ ബി സന്നിഹിതയായിരുന്നു.
ബിജു സി ദാമോദരന് സംവിധാനം ചെയ്ത 'ബസന്തി', വിജേഷ് വെണ്ണില സംവിധാനം ചെയ്ത 'ശ്രാദ്ധം', ഇ എം ഷാഫി സംവിധാനം ചെയ്ത 'അവശേഷിക്കുന്നവര്' എന്നീ ഹൃസ്വചിത്രങ്ങളുടെ പ്രദര്ശനവും, അവലോകനവും ഉണ്ടായിരുന്നു.
നിരവധി പുരസ്കാരങ്ങള് നേടിയ ഈ മൂന്നു ചിത്രങ്ങളുടെയും സംവിധായകര് തന്നെ അവരവരുടെ സിനിമകള്ക്ക് പിന്നിലെ ശ്രമങ്ങളും, സാങ്കേതിക കാര്യങ്ങളും വിശദീകരിച്ചു.
ഇമേജിലെ വിദ്യാര്ഥികളും വളരെ സജീവമായി പങ്കെടുക്കുകയും, സിനിമാ സമ്പന്ധമായ അവരുടെ സംശയങ്ങള് സംവിധായകരോട് ചോദിച്ചു മനസ്സിലാക്കുകയും ചെയ്തു.
ഹൃസ്വചിത്ര നിര്മ്മാണത്തിലോ, സംവിധാനത്തിലോ, അഭിനയത്തിലോ താല്പര്യമുള്ള വിദ്യാര്ത്ഥികള്ക്ക് എല്ലാ പിന്തുണയും കണ്ണൂര് ഫിലിം ചേമ്പര് വാഗ്ദാനം ചെയ്തു.
Online PR - CinemaNewsAgency.Com