സി എന് എ-
കൊച്ചി:
ഡാന്സ് മാസ്റ്റര് ബ്രിന്ദ സംവിധാനം ചെയ്യുന്ന തമിഴ് ചിത്രമായ 'ഹേയ് സിനാമിക' പൂര്ത്തിയാക്കിയ ദുല്ഖര് സല്മാന് അടുത്തതായി റോഷന് ആന്ഡ്രൂസ് സംവിധാനം ചെയ്യുന്ന പൊലീസ് ചിത്രത്തിലായിരിക്കും അഭിനയിക്കുകയെന്ന് വാര്ത്തകള് പ്രചരിച്ചിരുന്നു.
എന്നാല് ഈ ചിത്രം വൈകുമെന്നും ദുല്ക്കര് സ്വന്തം പ്രൊഡക്ഷനില് മറ്റൊരു ചിത്രത്തിന്റെ നിര്മ്മാണ പ്രവര്ത്തനങ്ങളിലേക്ക് നീങ്ങുകയാണെന്നുമാണ് ഇപ്പോള് ലഭിക്കുന്ന വിവരം. പ്രവീണ് ചന്ദ്രന് സംവിധാനം ചെയ്യുന്ന ചിത്രത്തില് ചെമ്പന്വിനോദ്, സൗബിന് ഷാഹിര് തുടങ്ങിയവരും മുഖ്യ വേഷങ്ങളില് അഭിനയിക്കുന്നുണ്ട്.
ദീപു പ്രദീപിന്റെ തിരക്കഥയില് ഒരുങ്ങുന്ന ചിത്രത്തിന് നിമിഷ് രവി ഛായാഗ്രഹണം നിര്വഹിക്കുന്നു. ഗോവിന്ദ് വസന്തയുടേതാണ് സംഗീതം. മാര്ച്ച് അവസാനത്തിലോ ഏപ്രിലിലോ ഈ സിനിമയുടെ ചിത്രീകരണം ആരംഭിക്കും.