സി എന് എ-
കൊല്ലം:
ദുല്ക്കര് സല്മാനെ നായകനാക്കി റോഷന് ആന്ഡ്രൂസ് സംവിധാനം ചെയ്യുന്ന സിനിമയുടെ ചിത്രീകരണം ഇന്ന് കൊല്ലത്ത് ആരംഭിച്ചു.
ബോബി സഞ്ജയ് തിരക്കഥ എഴുതുന്നു. റോഷന് ആന്ഡ്രൂസ് ബോബി സഞ്ജയ് വിജയ കൂട്ടുകെട്ട് വീണ്ടും കൈകോര്ക്കുന്ന സിനിമയില് ദുല്ഖര് സല്മാന് നായക കഥാപാത്രത്തെ അവതരിപ്പിക്കുന്നുവെന്നു മാത്രമല്ല... സിനിമയുടെ നിര്മ്മാതാവ് കൂടിയാണ്.
വേഫെയര് ഫിലിംസിന്റെ ബാനറില് ദുല്ഖര് സല്മാന് നിര്മ്മിക്കുന്ന അഞ്ചാമത്തെ ചിത്രമാണിത്. ബോളിവുഡ് താരവും മോഡലുമായ ഡയാന പെന്റിയാണ് ദുല്ഖര് ചിത്രത്തിലെ നായിക. മനോജ് കെ.ജയന്, അലന്സിയര്, ബിനു പപ്പു, വിജയകുമാര്, ലക്ഷ്മി ഗോപാല സ്വാമി തുടങ്ങിയവരാണ് മറ്റു പ്രധാന അഭിനേതാക്കള്.
തെന്നിന്ത്യയിലെ പ്രശസ്ത സംഗീതജ്ഞന് സന്തോഷ് നാരായണനാണ് സിനിമക്കുവേണ്ടി സംഗീതമൊരുക്കുന്നത്. 'പിസ', 'സൂദുകാവും', 'കുക്കൂ', 'ജിഗര്തണ്ട', 'മദ്രാസ്', 'കബാലി', 'കാല', 'പറയേറും പെരുമാള്', 'വട ചെന്നൈ' തുടങ്ങിയ ഹിറ്റ് ചിത്രങ്ങളിലൂടെ ശ്രദ്ധേയനായ സംഗീത സംവിധായകനാണ് സന്തോഷ് നാരായണന്. ഛായാഗ്രഹണം അസ്ലം പുരയില് നിര്വ്വഹിക്കുന്നു.
മേക്കപ്പ്- സജി കൊരട്ടി, വസ്ത്രാലങ്കാരം- സുജിത് സുധാകരന്, ആര്ട്ട്- സിറിള് കുരുവിള, സ്റ്റില്സ്- രോഹിത്, പ്രൊഡക്ഷന് കണ്ട്രോളര്- സിദ്ധു പനയ്ക്കല്, പിആര്ഒ- മഞ്ജു ഗോപിനാഥ്.