സി എന്‍ എ-
കൊച്ചി:
ആഷിക് ജിനു എന്ന 11 വയസ്സുകാരന്‍ സംവിധാനം ചെയ്ത 'ഇവ' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി.
ആഷിക്കിന്റെ അച്ഛന്‍ ജിനു സേവ്യര്‍ ആണ് ചിത്രത്തില്‍ വില്ലനായി എത്തുന്നത്. റോധ പ്രൊഡക്ഷന്സിന്റെ ബാനറില്‍ സുനിഷ എന്‍. നിര്‍മ്മിക്കുന്ന ചിത്രമാണ് 'ഇവ'.
ഈ ചിത്രത്തിന് തിരക്കഥ എഴുതിയിരിക്കുന്നത് ജിനു സേവിയര്‍ ആണ് അച്ഛനും മകനും ചേര്‍ന്ന് ഒരുക്കുന്ന രണ്ടാമത്തെ കമേഴ്‌സിയല്‍ ചിത്രമാണിത്. പത്താം വയസ്സില്‍ 'പീടിക' എന്ന ഷോര്‍ട്ട് ഫിലിം ആഷിക് സംവിധാനം ചെയ്തിരുന്നു.
എക്‌സൈസ് ഡിപ്പാര്‍ട്ട്‌മെന്റിന് പ്രാധാന്യം നല്‍കിക്കൊണ്ട് ചാരായ വേട്ടയുടെ കഥപറയുന്ന ആക്ഷന്‍ ത്രില്ലര്‍ ചിത്രമാണ് 'ഇവ'. ഇടുക്കി, കുളമാവ്, എറണാകുളം എന്നിവിടങ്ങളില്‍ ആയിരുന്നു പ്രധാന ലൊക്കേഷന്‍.
പ്രശസ്ത നടന്‍ രാമു, അനിയപ്പന്‍, നന്ദു പൊതുവാള്‍, കലേഷ്, അനിത, ഫ്രെഡ്ഡി എന്നിവരെ കൂടാതെ പുതുമുഖങ്ങളായ പ്രേംനാഥ്, മനീഷ്, എഫ്എസിടി ഹുസൈന്‍ കോയ, വിപിന്‍ ഗുരുവായൂര്‍, ഷിബിന്‍ മാത്യു, രാകേഷ് കല്ലറ, സന്ദീപ് രാജ, അനില്‍ മാവടി, ടോണി വഴവറ, മാസ്റ്റര്‍ ആദിത് ദേവ് എന്നിവരും അഭിനയിക്കുന്നു.
ഛായാഗ്രഹണം നിര്‍വഹിച്ചിരിക്കുന്നത് ആനന്ദകൃഷ്ണന്‍ ആണ്. അസോസിയേറ്റ് ഡയറക്ടര്‍- മിഥുന്‍ ലാല്‍, പ്രൊഡക്ഷന് കണ്ട്രോളര്- നന്ദു പൊതുവാള്‍, എഡിറ്റിംഗ്- റെനീഷ് ഒറ്റപ്പാലം, സംഗീതം- ഐഎം സക്കീര്‍. ജാസി ഗിഫ്റ്റ് ഗാനം പാടിയിരിക്കുന്നു. മേക്കപ്പ്- പട്ടണം ഷാ നിര്‍വഹിച്ചിരിക്കുന്നു. ആര്‍ട്ട് ഡയറക്ടര്‍- സന്ദീപ് രാജ്, വസ്ത്രാലങ്കാരം- ഷാനു ഷാഹുല്‍, കാസ്റ്റിംഗ് ഡയറക്ടര്‍- രജിത ജിനു, സംഘട്ടനം- റിയാസ്, വി എഫ് എക്‌സ്- വിപിന്‍ രാജ്, ഡിസൈനര്‍- സാന്ട്രോ വര്ഗീസ്, അസിസ്റ്റന്റ് ഡയറക്ടര്‍സ്- അഡ്വ ജുനേദ്, സായിറാം, ഉമേഷ് ആരോമല്‍ ശിവ, ക്യാമറ അസോസിയേറ്റ്- ഇയാന്‍ വിഷ്ണു, ക്യാമറ അസിസ്റ്റന്റ്- ഹരി, ജോസഫ് രാജു, പിആര്‍ഒ- എം കെ. ഷെജിന്‍ ആലപ്പുഴ.
