എ.എസ്. ദിനേശ്
കൊച്ചി:
പേരു കൊണ്ട് ഏറെ ചര്ച്ചയായ നാദിര്ഷ, ജയസൂര്യ ചിത്രം 'ഈശോ' ഒടിടി റിലീസിന് ഒരുങ്ങുന്നു.
സോണി ലിവ് ഒടിടി പ്ലാറ്റ് ഫോമിലൂടെയാണ് 'ഈശോ' റിലീസ് ചെയ്യുക.
ഒരു ജയസൂര്യ ചിത്രത്തിന് ലഭിക്കാവുന്ന ഏറ്റവും ഉയര്ന്ന തുകയ്ക്കാണ് സോണി ലിവ്, ചിത്രത്തിന്റെ സംപ്രേഷണാവകാശം സ്വന്തമാക്കിയത്.
ജയസൂര്യ, ജാഫര് ഇടുക്കി, നമിത പ്രമോദ് എന്നിവരെ പ്രധാന കഥാപാത്രങ്ങളാക്കി നാദിര്ഷ സംവിധാനം ചെയ്യുന്ന ചിത്രമാണ് 'ഈശോ'.
മുമ്പ് പേരുമായി ബന്ധപ്പെട്ട് വലിയ വിവാദങ്ങള് ഉയര്ന്നിരുന്നു. സെന്സര് ബോര്ഡ് 'ക്ലീന് യു' സര്ട്ടിഫിക്കറ്റാണ് ചിത്രത്തിന് നല്കിട്ടുള്ളത്.
'കട്ടും മ്യൂട്ടും ഇല്ലാതെ കുടുംബസമേതം കാണാവുന്ന ക്ലീന് എന്റര്ടെയ്നര് ചിത്രമാണിത്' എന്ന് സംവിധായകന് നാദിര്ഷ പറഞ്ഞു.
അരുണ് നാരായണ് പ്രൊഡക്ഷന്സിന്റെ ബാനറില് അരുണ് നാരായണ് നിര്മ്മിക്കുന്ന ഈ ചിത്രത്തില് മലയാളത്തിലെ മറ്റു പ്രമുഖ താരങ്ങളും അഭിനയിക്കുന്നു. ഛായാഗ്രഹണം റോബി വര്ഗീസ്സ് രാജ് നിര്വ്വഹിക്കുന്നു. സുനീഷ് വരനാട് കഥ തിരക്കഥ സംഭാഷണമെഴുതുന്നു.
സുജേഷ് ഹരിയുടെ വരികള്ക്ക് നാദിര്ഷ സംഗീതം പകരുന്നു.
എക്സിക്യൂട്ടീവ് പ്രൊഡ്യുസേഴ്സ്- ബാദുഷ, നാദിര്ഷ. പ്രൊഡക്ഷന് കണ്ട്രോളര്- നന്ദു പൊതുവാള്, എഡിറ്റര്- ഷമീര് മുഹമ്മദ്, പശ്ചാത്തല സംഗീതം- ജാക്സ് ബിജോയ്, കല- സുജിത് രാഘവ്, മേക്കപ്പ്- പി വി ശങ്കര്, വസ്ത്രാലങ്കാരം- അരുണ് മനോഹര്, സ്റ്റില്സ്- ബിജിത്ത് ധര്മ്മടം, പരസ്യക്കല- ആനന്ദ്, ചീഫ് അസോസിയേറ്റ് ഡയറക്ടര്- സൈലക്സ് ഏബ്രാഹം, അസോസിയേറ്റ് ഡയറക്ടര്- വിജീഷ് അരൂര്, സൗണ്ട്- വിഷ്ണു ഗോവിന്ദ്, ശ്രീശങ്കര്, പ്രൊഡക്ഷന് എക്സിക്യൂട്ടീവ്- ഷമീജ് കൊയിലാണ്ടി.
കുട്ടിക്കാനം, മുണ്ടക്കയം എന്നീവിടങ്ങളായിരുന്നു 'ഈശോ'യുടെ പ്രധാന ലോക്കേഷന്. പി ആര് ഒ- എ എസ് ദിനേശ്.
Online PR - CinemaNewsAgency.Com