Editor- MM Kamath
ചെന്നൈ:
ഹാന്ഡ് ഓഫ് ഗോഡ് പ്രൊഡക്ഷന്സിനു വേണ്ടി റോബിന് സാമുവല് നിര്മ്മിച്ച് വെയിലന് സംവിധാനം ചെയ്യുന്ന ഏറ്റവും പുതിയ ചിത്രം 'ഹാനോക്കിന്റെ പുസ്തകം' (The Book Of Enoch) എന്ന തമിഴ് ക്രൈംത്രില്ലര് ചിത്രത്തിന്റെ പൂജ ചെന്നൈയില് നടന്നു.
വിജയ് വിശ്വയാണ് ഈ ചിത്രത്തില് പ്രധാന കഥാമാത്രമാവുന്നത്. ഇന്ന് നാം അനുഭവിക്കുന്ന കോവിഡിന് സമാനമായ ഒരു പകര്ച്ചവ്യാധി 100 വര്ഷങ്ങള്ക്ക് മുമ്പ് ഭൂമിയില് ഉണ്ടായിരുന്നെന്നും, ഇന്ഫ്ലുവന്സ വൈറസ് എന്ന പേരില്ലുള്ള ഈ രോഗം ഒട്ടനവധി മനുഷ്യരുടെ ജീവനാണ് കവര്ന്നതെന്നും, അന്ന് ഈ രോഗം മൂലം സമൂഹത്തിലുണ്ടായ മോശം സാഹചര്യവും മനുഷ്യരുടെ അസ്വസ്ഥമായ ജീവിതവും എല്ലാമായിരിക്കും സംവിധായകനായ വെയിലന് 'ഹാനോക്കിന്റെ പുസ്തകത്തിലൂടെ പ്രേക്ഷകരിലേക്ക് എത്തിക്കാന് ശ്രമിക്കുന്നത്.
ചിത്രത്തിലെ മനോഹരമായ ഗാനങ്ങള് ചിട്ടപ്പെടുത്തിയിരിക്കുന്നത് പ്രവീണ് എസ്.എ ആണ്. നിരണ് ചന്ദര് ഛായാഗ്രഹണം നിര്വ്വഹിക്കുന്ന ഈ സിനിമയുടെ ചിത്രീകരണം ചെന്നൈ, തിരുത്താണി, വെല്ലൂര്, ബാംഗ്ലൂര് തുടങ്ങിയ സ്ഥലങ്ങളില് ഉടന് തുടങ്ങുന്നതായിരിക്കും.
വാര്ത്ത പ്രചരണം- പി.ശിവപ്രസാദ്.
Online PR - CinemaNewsAgency.Com