സി എന് എ-
കൊച്ചി:
കോവിഡ് കാലം വിവിധ പരീക്ഷണങ്ങളുടെയും വ്യത്യസ്ഥ കലാപ്രകടനങ്ങളുടെയും കാലം കൂടി ആണ്. പ്രൊഫഷണല് നാടക രംഗത്ത് പതിറ്റാണ്ടുകളുടെ പാരമ്പര്യമുള്ള കലാകാരന്മാരുടെ, കോവിഡ് കാലത്തെ ചിന്തയില് നിന്നാണ് ഇത്തരം ഒരാശയം ഉരുത്തിരിഞ്ഞത്. പുതിയ കാലത്തെ സാങ്കേതിക വിദ്യയ്ക്കൊപ്പം സഞ്ചരിയ്ക്കുക എന്ന മോഹം കൂടി ഇതിന് പിന്നിലുണ്ട്.
അരങ്ങിലും അഭിനയത്തിലും പതിറ്റാണ്ടുകളുടെ പാരമ്പര്യമുള്ള മൂവര് സംഘം മുഖ്യ വേഷത്തിലെത്തുന്ന യൂട്യൂബ് പരമ്പരയാണ് 'എരിവും പുളിയും'.
അനില് ആറ്റിങ്ങല്, കൂന്തള്ളൂര് വിക്രമന്, വി.ആര്. സുരേന്ദ്രന് എന്നിവരാണ് പ്രധാന വേഷങ്ങളില്. ചേട്ടായീസ് മീഡിയ ആണ് നിര്മ്മാണം. വി.ആര് . സുരേന്ദ്രന്റെ തിരക്കഥയ്ക്ക് കാമറ ചലിപ്പിച്ചിരിയ്ക്കുന്നത് പ്രേംജിത്ത് ചിറയിന്കീഴ് ആണ്. നിത്യജീവിതത്തിലെ നര്മ്മങ്ങള് ഗ്രാമീണ പശ്ചാത്തലത്തില് ഇതില് ആവിഷ്ക്കരിച്ചിരിയ്ക്കുന്നു. ഷാജി ടി ടി ആണ് സഹ സംവിധായകന്. വെബ് സീരീസ് സംവിധാനം ചെയ്ത് അണിയിച്ചൊരുക്കുന്നത് നടന് കൂടിയായ എകെ നൗഷാദ് ആണ്.