സി എന്‍ എ-
കൊച്ചി:
2019 കണ്‍സ്യൂമര്‍ അവയര്‍നെസ്സ് വേണ്ടി 'പീടിക' എന്ന് ഹ്രസ്വചിത്രം സംവിധാനം ചെയ്തുകൊണ്ട് മാസ്റ്റര്‍ ആഷിക് ജിനു എന്ന പത്തുവയസ്സുകാരന്‍ ഇന്ത്യയിലെ ഏറ്റവും പ്രായംകുറഞ്ഞ സംവിധായകനെന്ന യൂണിവേഴ്‌സല്‍ റെക്കോര്‍ഡ് ഫോറത്തിന്റെ ബഹുമതിക്ക് അര്‍ഹനായി. തുടര്‍ന്ന് ഏഴോളം ഹ്രസ്വചിത്രങ്ങളും രണ്ട് ഡോക്യുമെന്ററിയും ആഷിഖിന്റെ സംവിധാനത്തില്‍ പുറത്തു വന്നു. അതില്‍ 'പശി' എന്ന യൂണിവേഴ്‌സല്‍ ഹ്രസ്വ ചിത്രത്തിന് മികച്ച സംവിധായകനുള്ള ട്രാവന്‍കൂര്‍ ഇന്റര്‍നാഷണല്‍ അവാര്‍ഡ് ലഭിക്കുകയുണ്ടായി. പിന്നീട് 'ഫിലിപ്പ്' എന്ന ഹ്രസ്വ ചിത്രത്തിന് സ്‌പെഷ്യല്‍ മെന്‍ഷന്‍ ഇന്റര്‍നാഷണല്‍ അവാര്‍ഡ് ലഭിച്ചിരുന്നു.
ആദ്യ ലോക് ഡൗണ്‍ സമയത്ത് 'ദി റൂള്‍ ഓഫ് പീസ്' എന്ന ചിത്രം സംവിധാനം ചെയ്യുകയുണ്ടായി. അതിന് മികച്ച ലോക് ഡൗണ്‍ ഹ്രസ്വചിത്രത്തിനുള്ള ട്രാവന്‍കൂര്‍ ഇന്റര്‍നാഷണല്‍ അവാര്‍ഡ് ലഭിച്ചു. പിന്നീട് ജിനു രണ്ട് കൊമേഴ്‌സ്ല്‍ ചിത്രങ്ങള്‍ സംവിധാനം ചെയ്തു.
'കൊളംബിയന്‍ അക്കാദമി' ഒരു റെക്കോര്‍ഡിക്കല്‍ മൂവി ആയിരുന്നു. 'ഇവ' എന്ന വാണിജ്യ സിനിമ അതിനുശേഷമാണ് സംവിധാനം ചെയ്തത്. ലോക്ക് ഡൗണ്‍ ശേഷം തിയേറ്റര്‍ തുറക്കുമ്പോള്‍ 'ഇവ' പ്രദര്‍ശനശാലകളില്‍ എത്തുകയാണ്. അടുത്ത ചിത്രമായ 'പ്രിസണിന്റെ ആദ്യഘട്ട ജോലിയിലാണ് ആഷിക് ഇപ്പോള്‍. പിതാവ് ജിനു സേവ്യര്‍ ന്റെ തിരക്കഥയില്‍ ഒരുങ്ങുന്ന ചലച്ചിത്രം നാല് ഭാഷകളിലായാണ് ചിത്രീകരിക്കുന്നത്.
പി ആര്‍ ഒ- എം കെ ഷെജിന്‍ ആലപ്പുഴ.
Online PR - CNA.
