എ എസ് ദിനേശ്-
കൊച്ചി:
മുപ്പത്തിയാറ് വര്‍ഷത്തെ ഇടവേളയ്ക്കു ശേഷം പ്രശസ്ത നടന്‍ ശങ്കര്‍ നിര്‍മ്മിക്കുന്ന ചിത്രമാണ് 'എഴുത്തോല'.
ശങ്കര്‍, നിഷാ സാരംഗ് എന്നിവര്‍ കേന്ദ്ര കഥാപാത്രങ്ങളാവുന്ന ഈ ചിത്രത്തിന്റെ രചനയും സംവിധാനവും സുരേഷ് ഉണ്ണികൃഷ്ണന്‍ നിര്‍വ്വഹിക്കുന്നു.
പ്രശസ്ത നടന്‍ ശങ്കര്‍ തന്റെ അഭിനയ ജീവിതത്തിന്റെ നാല്‍പത്തിരണ്ടു വര്‍ഷത്തിലേക്ക് എത്തുമ്പോള്‍ വീണ്ടും ചലച്ചിത്ര നിര്‍മ്മാണ രംഗത്തേക്ക് കടക്കുകയാണ്.
ഓഷ്യോ എന്റര്‍ടെയിന്‍മെന്റ്‌സ് എന്ന ബാനറിലാണ് ശങ്കര്‍ വീണ്ടും നിര്‍മ്മാണ രംഗത്തേക്ക് വരുന്നത്. ഓഷ്യോ എന്റര്‍ടെയിന്‍മെന്റ്‌സിന്റെ ആദ്യ നിര്‍മ്മാണ സംരംഭമായ 'എഴുത്തോല'യില്‍ മലയാളത്തിലെ മറ്റു പ്രമുഖ താരങ്ങളും അഭിനയിക്കുന്നു.
1986ല്‍ സിബി മലയില്‍ സംവിധാനം ചെയ്ത 'ചേക്കേറാനൊരു ചില്ല'യാണ് ശങ്കര്‍ ആദ്യമായി നിര്‍മ്മിച്ച ചിത്രം. ശങ്കര്‍ തന്നെയായിരുന്നു നായകന്‍.
'ഇനി അഭിനയത്തോടൊപ്പം നിര്‍മ്മാണ രംഗത്തും സജീവമായുണ്ടാകും. സിനിമയോടൊപ്പം ഹ്രസ്വ ചിത്രങ്ങളും ഡോക്യുമെന്ററികളും നിര്‍മ്മിക്കാന്‍ ഉദ്ദേശ്യമുണ്ട്'
ശങ്കര്‍ പറഞ്ഞു.
വിദ്യാഭ്യാസ രീതിയെപ്പറ്റിയും മാറുന്ന പാഠ്യരീതിപ്പറ്റിയുമാണ് 'എഴുത്തോല'യില്‍ പറയുന്നത്. മുമ്പ് ശങ്കര്‍ പണിക്കര്‍ എന്ന പേരില്‍ മൂന്നു ചിത്രങ്ങള്‍ സംവിധാനം ചെയ്തിട്ടുണ്ട്. പൃഥ്വിരാജിന്റെ 'ഭ്രമം'എന്ന ചിത്രത്തിലാണ് ശങ്കര്‍ ഈയിടെ അഭിനയച്ചത്.
ഓഷ്യോ എന്റര്‍ടെയിന്‍മെന്റ്‌സിന്റെ ബാനറില്‍ ടി ശങ്കര്‍ നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ശ്രീജിത്ത് പാച്ചേനി നിര്‍വ്വഹിക്കുന്നു.
എക്‌സിക്യൂട്ടീവ് പ്രൊഡ്യൂസര്‍- ജെയിംസ് മാത്യു (ലണ്ടന്‍), ക്രിയേറ്റീവ് ഡയറക്ടര്‍- പ്രശാന്ത് ഭാസി, എഡിറ്റര്‍- ഹരീഷ് മോഹന്‍, സംഗീതം- പ്രശാന്ത് കര്‍മ്മ, വരികള്‍- ബിലു പത്മിനി നാരായണന്‍, കലാസംവിധാനം- സതീഷ് നെല്ലായ, മേക്കപ്പ്- മനോജ് അങ്കമാലി, വസ്ത്രാലങ്കാരം- കുമാര്‍ എടപ്പാള്‍, സിങ്ക് സൗണ്ട്- ആദര്‍ശ് ജോസഫ് പാലമറ്റം, പ്രോജക്ട് ഡിസൈനര്‍- എം ജെ ഷൈജു, ചീഫ് അസോസിയേറ്റ് ഡയറക്ടര്‍- ദീപു എസ് വിജയന്‍, ഡിസൈന്‍- ഷിബിന്‍ സി ബാബു,
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
