സി എന്‍ എ-
തൊടുപുഴ:
നമ്മുടെ രാഷ്ട്രപിതാവായ മഹാത്മാഗാന്ധിയുടെ 150-ാം ജന്മ വാര്‍ഷികത്തോടനുബന്ധിച്ച് അദ്ദേഹത്തിന്റെ ജീവിതത്തെയും ദര്‍ശനങ്ങളെയും പുതിയ തലമുറയ്ക്ക്, പ്രത്യേകിച്ച് കുട്ടികള്‍ക്ക്, പരിചയപ്പെടുത്തുക എന്ന ഉദ്ദേശത്തോടെ തൊടുപുഴ ഫിലിം സൊസൈറ്റി 2019 ല്‍ തയ്യാറാക്കിയ ഡോക്യുമെന്ററി ആണ് 'റിമംബറിംഗ് മഹാത്മാ'.
ജില്ലയിലെ എല്ലാ സ്‌കൂളുകളിലും ചിത്രം പ്രദര്‍ശിപ്പിക്കുന്നതിന് വിദ്യാഭ്യാസ വകുപ്പിന്റെ അനുമതി ലഭിച്ചിരുന്നു.
ഇടുക്കി ജില്ലാ ലീഗല്‍ സര്‍വ്വീസ് അതോറിറ്റിയുടെ സഹകരണത്തോടെ ജില്ലയിലെ എല്ലാ പഞ്ചായത്തിലും ഓരോ പ്രദര്‍ശനം വീതം നടത്താനും പദ്ധതി തയ്യാറാക്കിയിരുന്നു. പരിപാടികള്‍ തുടങ്ങിവെച്ചെങ്കിലും അവിചാരിതമായി വന്ന കോവിഡ് മഹാമാരി എല്ലാം തകിടം മറിച്ചു.
FFSI സെക്രട്ടറി വി കെ ജോസഫ് നാളെ (02-10-2021) വൈകുന്നേരം 7 മണിക്ക് പ്രദര്‍ശനം ഉദ്ഘാടനം ചെയ്യും.
നാളെ (02-10-2021) വൈകുന്നേരം 7 മണിക്ക് എഫ്. എഫ്. എസ്. ഐ യുടെ ഓണ്‍ലൈന്‍ പ്ലാറ്റ്‌ഫോമിലൂടെ ഈ ചിത്രം പ്രദര്‍ശിപ്പിക്കുകയാണ് തൊടുപുഴ ഫിലിം സൊസൈറ്റിയുടെ ഇത്തരത്തിലുള്ള ആദ്യ സംരംഭമാണ് ഇത്.
'റിമംബറിംഗ് മഹാത്മാ' കാണുവാന്‍ താഴെ WATCH MOVIE യില്‍ ക്ലിക്ക് ചെയ്യുക.
WATCH MOVIE
