സി എന് എ-
തിരു:
കേരളത്തില് സീരിയല്, സിനിമ, ഡോക്യുമെന്ററി ചിത്രീകരണം നിര്ത്തിവെക്കണമെന്ന് മുഖ്യമന്ത്രി പിണറായി വിജയന് പറഞ്ഞു.
സാമൂഹിക അകലം പാലിച്ച് നടത്താന് സാധിക്കാത്ത പ്രവര്ത്തനങ്ങള് പരമാവധി ഒഴിവാക്കുന്നതാകും ഉചിതം.
ഇക്കാരണത്താല് സീരിയല്, സിനിമ, ഡോക്യുമെന്ററി എന്നിവയുടെ ഔട്ട് ഡോര്, ഇന്ഡോര് ചിത്രീകരണങ്ങള് താല്ക്കാലികമായി നിര്ത്തവെക്കാന് ബന്ധപ്പെട്ടവരോട് അഭ്യര്ത്ഥിക്കുന്നുവെന്നും മുഖ്യമന്ത്രി വാര്ത്താ സമ്മേളനത്തില് പറഞ്ഞു.
സാമൂഹ്യ അക്കലം പാലിക്കാന് കഴിയാത്ത മറ്റ് പരിപാടികള് ഒഴിവാക്കണമെന്നും മുഖ്യമന്ത്രി പറഞ്ഞു.
ഇന്ന് നടന്ന വാര്ത്താ സമ്മേളനത്തിലാണ് മുഖ്യമന്ത്രി ഇക്കാര്യം അറിയിച്ചത്.
സംസ്ഥാനത്തെ കോവിഡ് വ്യാപനം കണക്കിലെടുത്താണ് നടപടി. അടുത്ത ഒരാഴ്ചത്തേക്കാണ് നിയന്ത്രണങ്ങള് കടുപ്പിക്കുക.
ചൊവ്വ മുതല് ഞായര് വരെയുള്ള ദിവസങ്ങളില് കടുത്ത നിയന്ത്രണങ്ങള് ഏര്പ്പെടുത്തും.
നേരത്തെ തന്നെ പല മലയാള സിനിമകളുടെയും ഷൂട്ടിങ് കോവിഡ് രണ്ടാം തരംഗം കണക്കിലെടുത്ത് നിര്ത്തിവച്ചിരുന്നു.