സി എന് എ-
കൊച്ചി:
മലയന്കുഞ്ഞിന്റെ ചിത്രീകരണത്തിനിടെ കെട്ടിടത്തിന് മുകളില് നിന്നും ബാലന്സ് തെറ്റി താഴേക്ക് വീണ് ഫഹദ് ഫാസിലിന് പരിക്കേറ്റു.
ഇന്നലെയാണ് അപകടം നടന്നത്.
എറണാകുളം ഏലൂരിനടുത്തുള്ള ഒരു ഓഡിറ്റോറിയത്തില് സെറ്റിട്ടാണ് മലയന്കുഞ്ഞിലെ രംഗങ്ങള് ചിത്രീകരിച്ചുകൊണ്ടിരുന്നത്. കെട്ടിടത്തിന് മുകളില് നിന്നും താഴേയ്ക്ക് കുതിക്കുന്ന രംഗം ചിത്രീകരിച്ചുകൊണ്ടിരിക്കേ ബാലന്സ് തെറ്റി ഫഹദ് താഴേയ്ക്ക് വീഴുകയും മൂക്ക് പൊട്ടി ചോര വാര്ന്നതിനെത്തുടര്ന്ന് അടുത്തുള്ള ആസ്റ്റര് മെഡിസിറ്റിയിലേക്ക് എത്തിക്കുകയായിരുന്നു. ഉടന്തന്നെ വിദഗ്ദ്ധ പരിശോധനനടത്തുകയും ഗുരുതര പ്രശ്നങ്ങളൊന്നും ഇല്ലെന്ന് കണ്ടെത്തുകയും ചെയ്തിരുന്നു.
ഒബ്സര്വ്വേഷനു ശേഷം അല്പ്പം മുമ്പ് ഫഹദ് ഫാസില് ഹോസ്പിറ്റലില്നിന്ന് ഡിസ്ചാര്ജ് ചെയ്ത് വീട്ടിലേയ്ക്ക് പോയി.
ഒരാഴ്ചത്തെ വിശ്രമം വേണമെന്നാണ് ഡോക്ടര്മാരുടെ നിര്ദ്ദേശം.
മഹേഷ് നാരായണന് തിരക്കഥയെഴുതി ഫഹദിനെ നായകനാക്കി സജിമോന് സംവിധാനം ചെയ്യുന്ന 'മലയന്കുഞ്ഞ്' ഫാസിലാണ് നിര്മ്മിക്കുന്നത്.