എ എസ് ദിനേശ്-
കൊച്ചി:
ചലച്ചിത്ര പ്രവര്‍ത്തകര്‍ക്ക് വേണ്ടി ഫെഫ്കയും കേന്ദ്ര തൊഴില്‍ മന്ത്രാലയവും സംയുക്തമായി നടത്തുന്ന ദ്വിദിന സൗജന്യ മെഡിക്കല്‍ ക്യാമ്പിന്റെ ഉദ്ഘാടനം ഫെഫ്ക പ്രസിഡന്റ് സിബി മലയില്‍ കൊച്ചിയില്‍ നിര്‍വ്വഹിച്ചു.
തിരുവനന്തപുരം ലേബര്‍ വെല്‍ഫെയര്‍ ഓര്‍ഗനൈസേഷന്റെ കീഴിലുള്ള ഗുരുവായൂര്‍ ഡിസ്‌പെന്‍സറിയിലെ ഡോക്ടര്‍ ജോണ്‍ ബാബു അധ്യക്ഷനായ ചടങ്ങില്‍ ഓ എസ് ഗിരീഷ് , ശ്രീകുമാര്‍ അരൂക്കുറ്റി , സുന്ദര്‍ദാസ് എന്നിവര്‍ ആശംസകള്‍ നേര്‍ന്നു . നഴ്‌സിങ് ഓഫീസര്‍ ശ്രീ അനൂപ് സ്വാഗതവും ഫെഫ്ക വര്‍ക്കിങ്ങ് സെക്രട്ടറി സോഹന്‍ സീനുലാല്‍ നന്ദിയും പറഞ്ഞു.
ചലച്ചിത്ര പ്രവര്‍ത്തകരും കുടുംബാംഗങ്ങളും പങ്കെടുത്ത ക്യാമ്പില്‍ ജനറല്‍ ഹോസ്പിറ്റലിലെ ചര്‍മ്മ രോഗ വിദഗ്ദ്ധ ഡോക്ടര്‍ ബീന റാണി , നേത്ര രോഗ വിദഗ്ദ്ധ ഡോക്ടര്‍ റോസ്മി വര്‍ഗ്ഗീസ് , ഗുരുവായൂര്‍ ഡിസ്‌പെന്‍സറിയിലെ മെഡിക്കല്‍ ഓഫീസര്‍ ഡോക്ടര്‍ ജോണ്‍ ബാബു എന്നിവര്‍ രോഗികളെ പരിശോധിച്ച് മരുന്നുകള്‍ വിതരണം ചെയ്തു.
സിനിമാ പ്രവര്‍ത്തകര്‍ക്കിടയില്‍ കണ്ണൂര്‍ കാര്‍ഡ് എന്ന് അറിയപ്പെടുന്ന സിനി വര്‍ക്കേഴ്‌സ് വെല്‍ഫയര്‍ ഫണ്ടിന്റെ ഐ ഡി കാര്‍ഡ് ഇല്ലാത്തവര്‍ ഫെഫ്കയുടെ അംഗത്വ കാര്‍ഡ് കരുതണമെന്ന് സംഘാടകര്‍ അറിയിച്ചു.
പുതുതായി അംഗത്വം എടുക്കേണ്ടവര്‍ക്കുള്ള അപേക്ഷാ ഫോറം ക്യാമ്പില്‍ നിന്ന് ലഭിക്കുന്നതാണ്.
നാളെ 10 മണി മുതല്‍ 1 വരെ എറണാകുളം രാജഗിരി ഹോസ്പിറ്റലിലെ പ്രമേഹ രോഗ വിദഗ്ധരും ഉദര രോഗവിദഗ്ദരും ക്യാമ്പില്‍ പങ്കെടുക്കും.
തിരുവനന്തപുരം ലേബര്‍ വെല്‍ഫെയര്‍ ഓര്‍ഗനൈസേഷനിലെ വെല്‍ഫെയര്‍ കമ്മീഷണര്‍ ഡോക്ടര്‍ യൂജിന്‍ ഗോമസിന്റെ നേതൃത്വത്തില്‍ ആയിരുന്നു ക്യാമ്പ് സംഘടിപ്പിച്ചത്.
