സി എന്‍ എ-
കൊച്ചി:
അനുപമ പരമേശ്വരനെ കേന്ദ്ര കഥാപാത്രമാക്കി ആര്‍.ജെ. ഷാന്‍ രചനയും സംവിധാനവും നിര്‍വഹിക്കുന്ന 'ഫ്രീഡം അറ്റ് മിഡ്‌നൈറ്റ്' എന്ന ഹ്രസ്വചിത്രം ഇന്ന് വൈകുന്നേരം 5 മണിക്ക് മ്യൂസിക് 247 ന്റെ യൂട്യൂബ് ചാനലിലൂടെ റിലീസ് ചെയ്യുന്നു.
ഹക്കിം ഷാജഹാനാണ് നായകന്‍. 'ചന്ദ്ര' എന്ന കഥാപാത്രത്തെ അനുപമയും 'ദാസ്' എന്നകഥാപാത്രത്തെ ഹക്കിമും അവതരിപ്പിക്കുന്നു.
വൈവിധ്യമായൊരു പ്രമേയവുമായെത്തുന്ന ഹ്രസ്വചിത്രം റിലീസിന് മുന്‍പുതന്നെ തെലുങ്ക്, കന്നട ഭാഷകളിലേക്ക് മൊഴിമാറ്റം ചെയ്തുകഴിഞ്ഞു. സ്ത്രീകേന്ദ്രീകൃത വിഷയമാണ് സിനിമയില്‍ ചര്‍ച്ച ചെയ്യുന്നത്.
2015ല്‍ അവാഡുകള്‍ വാരിക്കൂട്ടിയ 'മൂന്നാമിടം' എന്ന ഹ്രസ്വചിത്രത്തിന്റെയും 2017ല്‍ മഞ്ജു വാര്യര്‍, അമലാ അക്കിനേനി, ഷെയ്ന്‍ നിഗം എന്നിവര്‍ പ്രധാന വേഷങ്ങളില്‍ എത്തിയ 'C/o സൈറ ഭാനു' എന്ന ചിത്രത്തിന്റെ തിരക്കഥാകൃത്തുമാണ് ആര്‍.ജെ. ഷാന്‍.
ഫ്രീഡം അറ്റ് മിഡ് നൈറ്റിലെ പ്രധാന കഥാപാത്രങ്ങളായ ചന്ദ്രയുടെയും ദാസിന്റെയുമിടയില്‍ നടക്കുന്ന ഒരു മൈന്‍ഡ് ഗെയിം പ്ലെ രസകരമായി ചിത്രീകരിച്ചിരിക്കുന്ന ചിത്രമാണിത്. പ്രേക്ഷകരില്‍ ആകാംക്ഷ ഉണര്‍ത്തുന്ന ഒരു ത്രില്ലിംഗ് ഇമോഷണല്‍ ഡ്രാമയാണ് 'ഫ്രീഡം അറ്റ് മിഡ്‌നെറ്റ്'. പോഷ് മാജിക്കാ ക്രിയേഷന്‍സിന്റെ ബാനറില്‍ അഖില മിഥുന്‍ ആണ് ചിത്രം നിര്‍മ്മിക്കുന്നത്.
ഛായാഗ്രഹണം- അബ്ദുള്‍ റഹീം, സംഗീത സംവിധാനം- ലിജിന്‍ ബാബിനോ, എഡിറ്റര്‍- ജോയല്‍ കവി, ചീഫ് അസോസിയേറ്റ് ഡയറക്ടര്‍- മോഹിത്‌നാഥ് ഇ.എന്‍.
കോസ്റ്റ്യൂം- ദിവ്യ ഉണ്ണി, കോ പ്രൊഡ്യൂസര്‍- പാര്‍വ്വതി മേനോന്‍, എക്‌സിക്യൂട്ടീവ് പ്രൊഡ്യൂസര്‍- ബാല, സ്റ്റില്‍സ്- ടോണി വര്‍ഗ്ഗീസ്, പ്രൊഡക്ഷന്‍ കണ്‍ട്രോളര്‍- സുനില്‍ എരവന്‍കര, പ്രൊഡക്ഷന്‍ ഡിസൈന്‍- തല ക്രിയേറ്റീവ് ഹൗസ്, പോസ്റ്റര്‍ ഡിസൈന്‍- സജിത് ബാലകൃഷ്ണന്‍.
ഈ ചിത്രത്തിന്റെ വിഷയം കേട്ട് നിര്‍മ്മാതാക്കള്‍ മുന്നോട്ടു വരാതെ മടിച്ചു നിന്ന സാഹചര്യത്തില്‍ അഖില മിഥുന്‍ എന്ന നിര്‍മ്മാതാവ് ധൈര്യപൂര്‍വ്വം ഈ സിനിമ നിര്‍മ്മിക്കാന്‍ തയ്യാറായി.
വ്യത്യസ്തമായ പ്രമേയങ്ങളെ പൂര്‍ണ്ണ പിന്തുണനല്‍കുക എന്ന ലക്ഷ്യത്തോടെയാണ് പോഷ് മാജിക്കാ ക്രിയേഷന്‍സിന്റെ ആദ്യ നിര്‍മ്മാണ സംരംഭമായ 'ഫ്രീഡം അറ്റ് മിഡ്‌നൈറ്റ്' റിലീസ് ചെയ്യുന്നത്.
മഞ്ജു വാര്യര്‍, ദുല്‍ഖര്‍ സല്‍മാന്‍, കുഞ്ചാക്കോ ബോബന്‍ എന്നീവരുടെ ഫേയ്‌സ് ബുക്ക് പേജിലൂടെയായിരിക്കും യൂട്യൂബ് ലിങ്ക്
ഷേയര്‍ ചെയ്യുക.
