അഞ്ജു അഷറഫ്-
കൊച്ചി:
റൂട്ട്സ് പ്രൊഡക്ഷന്സിന്റെ ബാനറില് ഡോ. മനു കൃഷ്ണന് രചനയും സംവിധാനവും നിര്വ്വഹിക്കുന്ന 'ഗില' എന്ന സിനിമയുടെ ചിത്രീകരണം പീരുമേട്, മണിമല, കൊച്ചി, ദുബായ് എന്നിവിടങ്ങളിലായി പൂര്ത്തിയായി.
സമൂഹമാധ്യമങ്ങള് യുവതലമുറയെ എങ്ങനെ സ്വാധീനിക്കുന്നു എന്നതാണ് ഈ ചിത്രത്തിലൂടെ ഡോ. മനു കൃഷ്ണന് അവതരിപ്പിക്കുന്നത്.
മാറുന്ന സമൂഹത്തിന്റെ നേര്ക്കാഴ്ച്ച എന്ന പോലെ നേര്ക്കുനേര് നോക്കാത്ത ഒരു സമൂഹത്തിന്റെ പ്രതിനിധികളെ ചൂണ്ടിക്കാണിക്കുന്ന ഗറ്റ് സാപ്പ്' എന്ന സമൂഹമാധ്യമത്തിന്റെ ദുരുപയോഗത്തിന് ഇരയാകുന്ന ഒരു കൂട്ടം ചെറുപ്പക്കാരും അതുമായി ബന്ധപ്പെട്ടുണ്ടാകുന്ന കൊലപാതകങ്ങളും പ്രശ്നങ്ങളുമാണ് സിനിമയുടെ പ്രമേയം.
പുതുമുഖം സുഭാഷ് നായകനായി അഭിനയിക്കുന്ന ചിത്രത്തില് ശ്രിയാ, അനഘ എന്നിവരാണ് നായികമാര്.
ഇന്ദ്രന്സ്, കൈലാഷ്, റിനാസ്, ഡോ. ഷിനോയ്, അന്സാരി, നിയാ, ഡോ. ഷിയാ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
സംഗീതം ഡോ. മനു കൃഷ്ണന്, ഛായാഗ്രഹണം- ശ്രീകാന്ത്, എഡിറ്റിംഗ്- ഷമീര് മുഹമ്മദ്, അസ്സോസ്സിയേറ്റ് ഡയറക്ടര്- അനീഷ് ജോര്ജ്, കിയേറ്റീവ് ഹെഡ്-പ്രമോദ് കെ.പിള്ള, പ്രൊജക്റ്റ് ഡിസൈനര്- അശ്വിന്, പി ആര് ഒ- വാഴൂര് ജോസ്.