Editor- MM Kamath
കൊച്ചി:
ശുദ്ധമായ നര്മ്മഭാവങ്ങളിലൂടെ മലയാളി പ്രേക്ഷകന്റെ മനം കവര്ന്ന നടനാണ് ഹരീഷ് കണാരന്.
ഹരീഷ് നായകനിരയിലേക്കെത്തുന്ന പുതിയ സിനിമയുടെ ചിത്രീകരണം ലളിതമായ ചടങ്ങില് ഇക്കഴിഞ്ഞ നവംബര് ആറ് ശനിയാഴ്ച്ച വെള്ളൂര് ന്യൂസ് പ്രിന്റ് ഫാക്ടറി കോമ്പൗണ്ടില് ആരംഭിച്ചു.
ഷീനാ ജോണും, സന്ധ്യാ ഹരീഷും ചേര്ന്ന് ആദ്യ ഭദ്രദീപം തെളിയിച്ചു.
തുടര്ന്ന് സജിമോന്, മൃദുല് നായര്, മോന്സ് ജോസഫ് എം.എല്.എ. എന്നിവര് ഈ ചടങ്ങ് പൂര്ത്തീകരിച്ചു.
പ്രശസ്'ത സംവിധായകന് അക്കു അക്ബര് സ്വിച്ചോണ് കര്മ്മം നിര്വ്വഹിച്ചു. എന്.എം.ബാദുഷ ഫസ്റ്റ് ക്ലാപ്പ് നല്കി.
മോന്സ് ജോസഫ് എം.എല്.എ. രമേഷ് പിഷാരടി എന്നിവര് ആശംസകള് നേര്ന്നു. ഹരിഷ് കണാരന് ആദ്യ ഷോട്ടില് അഭിനയിച്ചു.
നവാഗതനായ ബിജോയ് ജോസഫാണ് ഈ ചിത്രം സംവിധാനം ചെയ്യുന്നത്.
വി.കെ. പ്രകാശ്, മഹേഷ് നാരായണന്, ജോസ് സെബാസ്റ്റന് എന്നിവര്ക്കൊപ്പം പ്രവര്ത്തിച്ചിട്ടുണ്ട് ബിജോയ് ജോസഫ്.
ജമിനി സ്റ്റുഡിയോസ് അവതരിപ്പിക്കുന്ന ഈ ചിത്രം റിയാണോ റോസ് പ്രൊഡക്ഷന്സിന്റെ ബാനറില് ജോണ് കുടിയാന്മലയും ഹരീഷ് കണാരനും ചേര്ന്നു നിര്മ്മിക്കുന്നു.
'ചാനല് ഷോകളിലെ അവതാരികയായി ഏറെ ശ്രദ്ധയാകര്ഷിച്ച ഗോപികയാണ് ഈ ചിത്രത്തിലെ നായിക.
അജു വര്ഗീസ്, സലിം കുമാര്, ജോണി ആന്റണി, ധര്മ്മജന് ബൊള്ഗാട്ടി, നിര്മ്മല് പാലാഴി, ഇടവേള ബാബു, സരയൂ, സീനത്ത് തുടങ്ങിയവരും പ്രധാന വേഷങ്ങളിലെത്തുന്നു.
ഒരു സര്ക്കാര് ജീവനക്കാരന്റെ ജീവിതത്തില് അപ്രതീക്ഷിതമായി അരങ്ങേറുന്ന സംഭവങ്ങളാണ് രസകരമായ മുഹൂര്ത്തങ്ങളിലൂടെ അവതരിപ്പിക്കുകയാണ് ഈ ചിത്രത്തിലൂടെ ബിജോയ് ജോസഫ്.
ഹരി നാരായണന്റെ വരികള്ക്ക് എബി സാല്വിന് ഈണം പകര്ന്നിരിക്കുന്നു.
കഥ- ബിജോയ് ജോസഫ്, തിരക്കഥ, സംഭാഷണം- പോള് വര്ഗീസ്.
മനോജ് പിള്ളയാണ് ഛായാഗ്രാഹകന്. എഡിറ്റിംഗ്- നൗഫല് അബ്ദുള്ള, കലാസംവിധാനം- ത്യാഗു തവനൂര്, മേക്കപ്പ്- റഹിം കൊടുങ്ങല്ലൂര്, കോസ്റ്റ്യും ഡിസൈന്-
ലിജി പ്രേമന്, അസ്സോസ്സിയേറ്റ് ഡയറക്ടര്- ഷിബു രവീന്ദ്രന്, പ്രൊഡക്ഷന് എക്സിക്കുട്ടീവ്- അഭിലാഷ് അര്ജുന്, പ്രൊഡക്ഷന് കണ്ട്രോളര്- റിച്ചാര്ഡ്.
വെള്ളൂര്, കൊച്ചി എന്നിവിടങ്ങളിലായി ഈ സിനിമയുടെ ചിത്രീകരണം പുരോഗമിക്കുന്നു.
പി.ആര്.ഒ.- വാഴൂര് ജോസ്, ഫോടോ- ശ്രീജിത്ത് ചെട്ടിപ്പടി.
Online PR - CinemaNewsAgency.Com