MM Kamath
കൊച്ചി:
കുഞ്ചാക്കോ ബോബന് നായകനായ 'പ്രിയം', 'ഇരുവട്ടം മണവാട്ടി', ഫഹദ് ഫാസില് നായകനായ 'ഗോഡ്സ് ഓണ് കണ്ട്രി' തുടങ്ങിയ ചിത്രങ്ങളിലൂടെ ശ്രദ്ധേയനായ വാസുദേവ സനല് സംവിധാനം ചെയ്യുന്ന 'ഹയ' എന്ന പുതിയ ചിത്രത്തിന് മാര്ച്ച് ഇരുപത്തിയേഴ് ഞായറാഴ്ച്ച പൂജയും സ്വിച്ചോണ് കര്മ്മവും നടന്നു. ഏപ്രില് രണ്ടിന് ചിത്രീകരണം ആരംഭിക്കും.
കൊച്ചിയിലെ പരമാര ക്ഷേത്രത്തില് നടന്ന ലളിതമായ ചടങ്ങോടെയാണ് തുടക്കമിട്ടത്.
അണിയറ പ്രവര്ത്തകരും ബന്ധുമിത്രാദികളും പങ്കെടുത്ത ഈ ചടങ്ങില് സ്വിച്ചോണ് കര്മ്മം നിര്വ്വഹിച്ചത് പ്രശസ്ത സാഹിത്യകാരന് പ്രൊഫസര് പി.എന്. ഉണ്ണികൃഷ്ണന് പോറ്റിയാണ്. നിര്മ്മാതാവ് നീലേഷ് ഫസ്റ്റ് ക്ലാപ്പും നല്കി.
ശക്തമായ ഒരു സാമൂഹ്യ വിഷയമാണ് ഈ ചിത്രം കൈകാര്യം ചെയ്യുന്നത്. ഒപ്പം സംഗീതത്തിന് പ്രാധാന്യമുള്ള ഒരു കാമ്പസ് ത്രില്ലര് കൂടിയാണ് ഈ ചിത്രം.
സിക്സ് സില്വര്സോള്സ് സ്റ്റുഡിയോയുടെ ബാനറില് നിര്മ്മിക്കുന്നു ഈ ചിത്രത്തില് ഗുരു സോമസുന്ദരം, ലാല് ജോസ്, ജോണി ആന്റണി, ശ്രീകാന്ത് മുരളി, ശ്രീ ധന്യ, കോട്ടയം രമേശ്, ശ്രീകാന്ത് മുരളി, ബിജു പപ്പന്, ശ്രീരാജ്, അപര്ണാ ജനാര്ദ്ദനന്, അശ്വിന്, ലയ സിംസണ്, ശ്രീജ അജിത്ത്, ജോര്ഡി പൂഞ്ഞാര്, ഇന്ത്യയിലെ ആദ്യ വീല്ചെയര് ടി.വി. ആങ്കറായ വീണ വേണുഗോപാല്, സനല് കല്ലാട്ട്, എന്നിവരും പ്രധാന വേഷങ്ങളിലെത്തുന്നു.
കൂടാതെ നിരവധി പുതുമുഖങ്ങളും അഭിനയിക്കുന്നുണ്ട്.
'നായികാ നായകന്' എന്ന ജനപ്രീതി നേടിയ ഷോയിലൂടെ ശ്രദ്ധേയനായ ശംഭു ഈ ചിത്രത്തിലെ പ്രധാന വേഷമണിയുന്നു.
മാധ്യമ പ്രവത്തകനും സാഹിത്യകാരനുമായ മനോജ് ഭാരതിയാണ് ഈ ചിത്രത്തിന്റെ രചന നിര്വ്വഹിച്ചിരിക്കുന്നത്.
സംഗീതത്തിന് ഏറെ പ്രാധാന്യമുള്ള ഈ ചിത്രത്തില് വരുണ് സുനില് (മസാലാ കോഫി) ആണ് സംഗീത സംവിധാനം നിര്വ്വഹിക്കുന്നത്.
ജിജു സണ്ണി ഛായാഗ്രഹണവും അരുണ് തോമസ് എഡിറ്റിംഗും നിര്വ്വഹിക്കുന്നു. കലാസംവിധാനം- സാബുറാം, കോസ്റ്റ്യും ഡിസൈന്- അരുണ് മനോഹര്, മേക്കപ്പ് - ലിബിന് മോഹന്, അസ്സോസ്സിയേറ്റ് ഡയറക്ടര്- സുഗതന്, പ്രൊജക്റ്റ് ഡിസൈനര്- സണ്ണി തഴുത്തല, പ്രൊഡക്ഷന് എക്സികുട്ടീവ്- വിജയ് ജി.എസ്, പ്രൊഡക്ഷന് കണ്ട്രോളര്- മുരുകന് എസ്.
ഏപ്രില് രണ്ടിന് ചിത്രീകരണം ആരംഭിക്കുന്ന ഈ ചിത്രത്തിന്റെ ചിത്രീകരണം മൈസൂര്, നിലമ്പൂര്, കൊച്ചി, കാഞ്ഞിരപ്പള്ളി എന്നിവടങ്ങളിലായി പൂര്ത്തിയാകും.
- വാഴൂര് ജോസ്, ഫോട്ടോ- അജി മസ്ക്കറ്റ്.
Online PR - CinemaNewsAgency.Com