സി എന് എ-
ചെന്നൈ:
മലയാളത്തില് അന്ന ബെന് തകര്ത്തഭിനയിച്ച ചിത്രം ഹെലെന്റെ തമിഴ് പതിപ്പിന്റെ ട്രെയിലര് എത്തി. 'അന്പിര്ക്കിനിയാള്' എന്നാണ് ചിത്രത്തിന്റെ പേര്.
മലയാളത്തില് അന്ന ബെന്നും ലാലും അവതരിപ്പിച്ച വേഷങ്ങള് തമിഴില് അരുണ് പാണ്ഡ്യനും മകള് കീര്ത്തി പാണ്ഡ്യനുമാണ് അവതരിപ്പിക്കുന്നത്.
ചിത്രം സംവിധാനം ചെയ്തിരിക്കുന്നത് ഗോകുലാണ്. അരുണ് പാണ്ഡ്യന് തന്നെയാണ് ചിത്രത്തിന്റെ നിര്മ്മാണം.
മാത്തുക്കുട്ടി സേവ്യറിന്റെ സംവിധാനത്തില് പുറത്തിറങ്ങിയ 'ഹെലെന്' സര്വൈവല് ത്രില്ലര് ഗണത്തില്പെട്ട ചിത്രമായിരുന്നു. അന്ന ബെന്നിന്റെ അഭിനയപ്രകടനം ആയിരുന്നു ഹെലെന്റെ പ്രധാന ഹൈലൈറ്റ്.
മലയാളത്തില് നിന്ന് തമിഴിലേക്ക് റീമേക്ക് ചെയ്യുമ്പോള് കാര്യമായ മാറ്റങ്ങളൊന്നുമില്ലാതെയാണ് ചിത്രമൊരുക്കിയിരിക്കുന്നത്. തമിഴ് പ്രേക്ഷകര്ക്ക് വേണ്ടി ചെറിയ മാറ്റങ്ങള് വരുത്തും എന്നായിരുന്നു പ്രതീക്ഷിച്ചിരുന്നത്.
പ്രവീണ്, രവീന്ദ്ര, ഭൂപതി എന്നിവരാണ് തമിഴ് പതിപ്പിലെ മറ്റ് പ്രധാന അഭിനേതാക്കള്. ഛായാഗ്രഹണം- മഹേഷ് മുത്തുസാമി, സംഗീതം- ജാവേദ് റിയാസ്, എഡിറ്റിങ്- പ്രദീപ് ഇ. രാഘവ്.
ഹിന്ദി, തെലുങ്ക് ഭാഷകളിലേക്കും ചിത്രം റിമേക്ക് ചെയ്യുന്നുണ്ട്. ജാന്വി കപൂര് ഹിന്ദിയിലും അനുപമ പരമേശ്വരന് തെലുങ്കിലും അന്നയുടെ വേഷം ചെയ്യും.