Editor - MM Kamath
കൊച്ചി:
അമേരിക്കന്‍ മലയാളിയായ രാജു തോട്ടം, മറീന മൈക്കിള്‍ എന്നിവരെ പ്രധാനകഥാപാത്രങ്ങളാക്കി ദൃശ്യ മാധ്യമ പ്രവര്‍ത്തന രംഗത്ത് ഏറേ ശ്രദ്ധേയനായ ബ്രൈറ്റ് സാം റോബിന്‍സ് ആദ്യമായി തിരക്കഥ സംഭാഷണമെഴുതി സംവിധാനം ചെയ്യുന്ന 'ഹോളി ഫാദര്‍' എന്ന സിനിമയുടെ ചിത്രീകരണം എറണാകുളത്ത് ആരംഭിച്ചു.
പ്രശസ്ത സംവിധായകന്‍ സിബി മലയില്‍ സ്വിച്ചോണ്‍ കര്‍മ്മം നിര്‍വ്വഹിച്ചു.
ഭരതം ആര്‍ട്ട്‌സിന്റെ ബാനറില്‍ ആമി നിര്‍മ്മിക്കുന്ന ഈ ചിത്രത്തില്‍ ജോയ് മാത്യു, സുനില്‍ സുഖദ, പ്രകാശ് പയ്യാനക്കല്‍, സംവിധായകരായ പ്രിയനന്ദനന്‍, ജോഷി മാത്യു, തുടങ്ങിയവര്‍ക്കൊപ്പം മലയാളത്തിലെ പ്രമുഖ താരങ്ങളും അഭിനയിക്കുന്നു.
ഓര്‍മ്മയുടെയും മറവിയുടെയും നൂല്‍പ്പാലത്തിലൂടെ ജീവിക്കുന്ന അറുപതു വയസ്സുള്ള, മറവി രോഗത്തില്‍ (ഡിമെന്‍ഷ്യ) പെട്ടുപോയ റൊസാരിയോ എന്ന പിതാവിനെ, ശുശ്രൂഷിക്കാന്‍ തനിയ്ക്ക് ലഭിച്ച അമേരിക്കന്‍ സ്‌കോളര്‍ഷിപ്പുകള്‍ എല്ലാം ഉപേക്ഷിച്ച ലൊറൈന്‍ എന്ന ആംഗ്ലോ ഇന്ത്യന്‍ പെണ്‍കുട്ടിയുടെ കഥയാണ് 'ഹോളി ഫാദര്‍' എന്ന ചിത്രത്തില്‍ ദ്യശൃവല്‍ക്കരിക്കുന്നത്.
വാര്‍ദ്ധക്യത്തിലെ രോഗാവസ്ഥയില്‍ തിരിഞ്ഞു നോക്കാത്ത മക്കളുള്ള ഈ കാലഘട്ടത്തില്‍ ഈ മകള്‍ വ്യത്യസ്തയാകുന്നു. പിതാവിന്റെ മരണശേഷം ലൊറൈന്‍ പപ്പയെക്കുറിച്ചെഴുതിയ പുസ്തകത്തിന്റെ പേരാണ് 'ഹോളി ഫാദര്‍'.
ലൊറൈനായി മറീന മൈക്കിളും റൊസാറിയോയായി രാജു തോട്ടവും അഭിനയിക്കുന്നു.
രാജേഷ് പീറ്റര്‍ ഛായാഗ്രഹണം നിര്‍വ്വഹിക്കുന്നു.
പ്രൊഡക്ഷന് ഡിസൈനര്‍- ബെവിന്‍ സാം, പ്രൊഡക്ഷന് കണ്ട്രോളര്- എസ് കെ സുനില്‍, കല- കിഷോര്‍, മേക്കപ്പ്- പട്ടണം റഷീദ്, വസ്ത്രാലങ്കാരം- കണ്‍സി സിബി, സ്റ്റില്‍സ്- വിനോദ്, അസോസിയേറ്റ് ഡയറക്ടര്‍- അനില്‍ മേടയില്‍, ജിജേഷ്, പ്രൊഡക്ഷന് ഡിസൈനര്‍- ബെവിന്‍ സാം.
ലോക്കേഷന്‍ എറണാക്കുളം, വാഗമണ്‍, ദുബായ്. വാര്‍ത്ത പ്രചരണം- എ എസ് ദിനേശ്.
Online PR - CinemaNewsAgency.Com
