MM Kamath
കൊച്ചി:
പ്രണവ് മോഹന്ലാലിനെ നായകനാക്കി വിനീത് ശ്രീനിവാസന് സംവിധാനം ചെയ്യുന്ന 'ഹൃദയം' എന്ന ചിത്രത്തിലെ ആദ്യ ഗാനമായ 'ദര്ശന...' എന്ന ഗാനത്തിന്റെ ടീസര് യൂട്യൂബ് ട്രെന്ഡിങ്ങില് മുന്നില്ലായി.
ഗാനത്തിന്റെ പിന്നണിയില് പ്രവര്ത്തിച്ചവരെയും അണിയറപ്രവര്ത്തകരെയും ഗാനത്തിന്റെ ഷൂട്ടിങ്ങും ഉള്ക്കൊള്ളിച്ചുള്ളതാണ് ടീസര്. കല്യാണി പ്രിയദര്ശനും ദര്ശന രാജേന്ദ്രനുമാണ് ചിത്രത്തിലെ നായികമാര്. വളരെ മികച്ച പ്രതികരണമാണ് ടീസറിന് ലഭിച്ചു കൊണ്ടിരിക്കുന്നത്.
ഗാനം ഒക്ടോബര് 25ന് റിലീസ് ചെയ്യും.
സിനിമയുടെ തിരക്കഥയും വിനീത് ശ്രീനിവാസനാണ്. അരുണ് ആലാട്ടിന്റെ വരികള്ക്ക് ഹിഷാം അബ്ദുള് വഹാബാണ് സംഗീതം. സംഗീതത്തിന് ഏറെ പ്രാധാന്യം നല്കിക്കൊണ്ട് ഒരുക്കുന്ന ചിത്രത്തില് മൊത്തം 15 പാട്ടുകളാണ് ഉള്ളത്.
അജു വര്ഗ്ഗീസ്, ബൈജു സന്തോഷ്, അരുണ് കുര്യന്, വിജയരാഘവന് തുടങ്ങിയവരാണ് ചിത്രത്തിലെ മറ്റു താരങ്ങള്.
മെറിലാന്റ് സിനിമാസ് ആന്റ് ബിഗ് ബാങ് എന്റര്ടെയിന്മെന്റിന്റെ ബാനറില് വൈശാഖ് സുബ്രഹ്മണ്യന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം വിശ്വജിത്ത് ഒടുക്കത്തില് നിര്വ്വഹിക്കുന്നു.
ജേക്കബിന്റെ സ്വര്ഗ്ഗരാജ്യം പുറത്തിറങ്ങി അഞ്ച് വര്ഷത്തിനു ശേഷമാണ് വിനീത് പുതിയ ചിത്രവുമായി എത്തുന്നത്.
Online PR - CinemaNewsAgency.Com