എ എസ് ദിനേശ്
കൊച്ചി:
പ്രണവ് മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്യുന്ന ചിത്രമാണ് 'ഹൃദയം'. ചിത്രത്തിലെ മൂന്നാമത്തെ ഗാനം പുറത്തുവിട്ടു.
'ഒണക്ക മുന്തിരി...' എന്ന ഗാനം ആലപിച്ചിരിക്കുന്നത് ദിവ്യ വിനീതാണ്. ദിവ്യയാണ് തന്റെ ഫെയ്‌സ്ബുക്ക് പേജിലൂടെ ഗാനം പുറത്തുവിട്ടത്. ഈ ഗാനത്തിന് ഈണം പകര്‍ന്നത് ഹിഷാം അബ്ദുള്‍ വഹാബും ഇതിനു വരികള്‍ രചിച്ചത് വിനീത് ശ്രീനിവാസ് ആണ്.
ചിത്രത്തിലെ ദര്‍ശന എന്ന ഗാനം പ്രേക്ഷകര്‍ക്കിടയില്‍ ഏറെ ഹിറ്റായിരുന്നു. കൂടാതെ ചിത്രത്തിന്റെ ടീസറുകളും പോസ്റ്ററുകളുമെല്ലാം സോഷ്യല്‍ മീഡിയകളില്‍ ഏറെ കയ്യടി നേടിയിരുന്നു.
കല്യാണി പ്രിയദര്‍ശനും ദര്‍ശന രാജേന്ദ്രനുമാണ് ചിത്രത്തിലെ നായികമാര്‍.
സംഗീതത്തിന് ഏറെ പ്രാധാന്യം നല്‍കിക്കൊണ്ട് ഒരുക്കുന്ന ചിത്രത്തില്‍ മൊത്തം 15 പാട്ടുകളാണ് ഉള്ളത്.
അജു വര്‍ഗ്ഗീസ്, ജോണി ആന്റണി, അരുണ്‍ കുര്യന്‍, വിജയരാഘവന്‍ തുടങ്ങിയവരാണ് ചിത്രത്തിലെ മറ്റു താരങ്ങള്‍.
'ജേക്കബിന്റെ സ്വര്‍ഗ്ഗരാജ്യം' പുറത്തിറങ്ങി അഞ്ച് വര്‍ഷത്തിനു ശേഷമാണ് വിനീത് പുതിയ ചിത്രവുമായി എത്തുന്നത്.
മെറിലാന്റ് സിനിമാസ് ആന്റ് ബിഗ് ബാങ് എന്റര്‍ടെയിന്‍മെന്റിന്റെ ബാനറില്‍ വിശാഖ് സുബ്രഹ്മണ്യന്‍ നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം വിശ്വജിത്ത് ഒടുക്കത്തില്‍ നിര്‍വ്വഹിക്കുന്നു.
മെറിലാന്റ് സിനിമാസിന്റെ എഴുപതാം വര്‍ഷത്തിലൊരുങ്ങുന്ന എഴുപതാമത്തെ ചിത്രമാണിത്. 40 വര്‍ഷത്തിന് ശേഷം മെറിലാന്റ് സിനിമാസിന്റെ ബാനറില്‍ ഒരുങ്ങുന്ന ചിത്രം കൂടിയാണ് 'ഹൃദയം'.
എക്‌സിക്യൂട്ടീവ് പ്രൊഡ്യൂസര്‍- സിതാര സുരേഷ്, കോപ്രൊഡ്യൂസര്‍- നോബിള്‍ ബാബു തോമസ്, സംഗീതം- ഹിഷാം അബ്ദുള്‍ വഹാബ്, എഡിറ്റര്‍- രഞ്ജന്‍ എബ്രഹാം, പ്രൊഡക്ഷന്‍ കണ്‍ട്രോളര്‍- ഷാഫി ചെമ്മാട്, പ്രൊഡക്ഷന്‍ ഡിസൈനര്‍- അശ്വിനി കാലെ, വസ്ത്രാലങ്കാരം- ദിവ്യ ജോര്‍ജ്, മേക്കപ്പ്- ഹസന്‍ വണ്ടൂര്‍, ചീഫ് അസോസിയേറ്റ് ഡയറക്ടര്‍- അനില്‍ എബ്രഹാം, അസോസിയേറ്റ് ഡയറക്ടര്‍- ആന്റണി തോമസ് മംഗലി, സൗണ്ട് ഡിസൈന്‍- സിങ്ക് സിനിമ, ഓഡിയോഗ്രഫി- വിപിന്‍ നായര്‍, ത്രില്‍സ്- മാഫിയ ശശി, അസോസിയേറ്റ് ക്യാമറമാന്‍- സുമേഷ് മോഹന്‍, കളറിസ്റ്റ്- ലിജു പ്രഭാകര്‍, വിഎഫ്എക്‌സ്- ആക്‌സല്‍ മീഡിയ, ഗാനരചന- കൈതപ്രം, അരുണ്‍ ആലാട്ട്, ബുള്ളെ ഷാ, ഗുണ, വിനീത്, സ്റ്റില്‍സ്- ബിജിത്ത് ധര്‍മ്മടം, ഫിനാന്‍സ് കണ്‍ട്രോളര്‍- വിജീഷ് രവി, ഫിനാന്‍സ് മാനേജര്‍- ടിന്‍സണ്‍ തോമസ്, പബ്ലിസിറ്റി ഡിസൈന്‍- ജയറാം രാമചന്ദ്രന്‍.
2022 ജനുവരി 21ന് 'ഹൃദയം' മെറിലാന്‍ഡ് സിനിമാസ് തിയറ്ററുകളിലെത്തിക്കും. വാര്‍ത്ത പ്രചരണം- എ എസ് ദിനേശ്.
Online PR - CinemaNewsAgency.Com
