സി എന് എ-
കൊച്ചി:
പ്രണവ് മോഹന്ലാലിനെയും കല്യാണി പ്രിയദര്ശനേയും നായികാനായകന്മാരാക്കി വിനീത് ശ്രീനിവാസന് തിരക്കഥയെഴുതി സംവിധാനം ചെയ്യുന്ന 'ഹൃദയം' എന്ന ചിത്രം പാക്കപ്പായി.
സിനിമയുടെ പ്രധാന ഭാഗങ്ങളുടെ ചിത്രീകരണം പൂര്ത്തിയായെന്നും ഇനി പകുതി ക്രൂവിനെവെച്ചുള്ള ഒരു ഗാനമാണ് ചിത്രീകരിക്കുവാനുള്ളതെന്നും വിനീത് ശ്രീനിവാസന് തന്നെ കഴിഞ്ഞ ദിവസം സോഷ്യല് മീഡിയ പോസ്റ്റിലൂടെ അറിയിച്ചിരുന്നു.
ചിത്രത്തില് പ്രണവിനും കല്യാണിക്കും പുറമേ അജു വര്ഗീസ്, വിജയരാഘവന്, അരുണ് കുര്യന്, ബൈജു എന്നിവരാണ് മറ്റ് താരങ്ങള്.
പ്രണവും കല്യാണിയും ഒരുമിച്ച് അഭിനയിക്കുന്ന രണ്ടാമത്തെ സിനിമയാണ് 'ഹൃദയം'. മരക്കാര് അറബിക്കടലിന്റെ സിംഹമാണ് ആദ്യം പ്രണവ് - കല്യാണി ജോഡി ഒരുമിച്ച് അഭിനയിച്ച സിനിമ.
വിനീത് ശ്രീനിവാസന് സംവിധാനം ചെയ്യുന്ന അഞ്ചാമത്തെ ചിത്രമെന്ന പ്രത്യേകതയും ഈ സിനിമയ്ക്കുണ്ട്. നാല്പത് വര്ഷങ്ങള്ക്ക് ശേഷം മെരിലാന്ഡ് സിനിമാസ് നിര്മ്മണ രംഗത്തേക്ക് തിരിച്ചെത്തുന്നുവെന്നത് മറ്റൊരു പ്രത്യേകതയാണ്.
മെരിലാന്ഡിന് വേണ്ടി വൈശാഖ് സുബ്രഹ്മണ്യനാണ് സിനിമ നിര്മ്മിക്കുന്നത്.