CNA
തിരു:
രാജ്യാന്തര ചലച്ചിത്ര മേളയുടെ ഡെലിഗേറ്റ് പാസ് വിതരണോദ്ഘാടനം നാളെ (മാര്ച്ച് 16 ബുധന്) നടക്കും. മേളയുടെ മുഖ്യവേദിയായ ടാഗോര് തിയേറ്ററില് ക്രമീകരിച്ചിട്ടുള്ള ഡെലിഗേറ്റ് സെല് വഴിയാണ് പാസ് വിതരണം ചെയ്യുന്നത്. ഉച്ചകഴിഞ്ഞ് 2.30 ന് സാംസ്കാരിക മന്ത്രി സജി ചെറിയാന് ഉദ്ഘാടനം ചെയ്യും. ആദ്യ പാസും ഡെലിഗേറ്റ് കിറ്റും നടന് സൈജു കുറുപ്പ് ഏറ്റുവാങ്ങും.
ഫെഡറേഷന് ഓഫ് ഫിലിം സൊസൈറ്റീസ് ഓഫ് ഇന്ത്യ റീജണല് സെക്രട്ടറി കെ.ജി മോഹന്കുമാര്, സാംസ്കാരിക വകുപ്പ് പ്രിന്സിപ്പല് സെക്രട്ടറി റാണി ജോര്ജ് ഐ.എ.എസ്, ചലച്ചിത്ര അക്കാദമി ചെയര്മാന് രഞ്ജിത്, വൈസ് ചെയര്മാന് പ്രേംകുമാര്, സെക്രട്ടറി സി. അജോയ് തുടങ്ങിയവര് പങ്കെടുക്കും.
മാര്ച്ച് 17 മുതല് രാവിലെ 8.30 മുതല് വൈകുന്നേരം ഏഴ് വരെയാകും ഡെലിഗേറ്റ് പാസ് വിതരണം ചെയ്യുക. 12 കൗണ്ടറുകളിയാണ് ഡെലിഗേറ്റ് കിറ്റുകള് വിതരണം ചെയ്യുന്നത്.
പ്രതിനിധികള് ഐ ഡി പ്രൂഫുമായെത്തി വേണം പാസുകള് ഏറ്റുവാങ്ങേണ്ടത്. പ്രായമായവര്ക്കും ഭിന്ന ശേഷിക്കാര്ക്കും പ്രത്യേക കൗണ്ടര് ഏര്പ്പെടുത്തിയിട്ടുണ്ട്.
കൂടുതല് വിവരങ്ങള്ക്കായി
www.iffk.in എന്ന വെബ്സൈറ്റ് സന്ദര്ശിക്കുക.