സി എന് എ-
തിരു:
ഐ എഫ് എഫ് കെയുടെ സ്ഥിരം വേദി മാറ്റുന്നത് മേളയുടെ അന്താരാഷ്ട്ര അംഗീകാരത്തെ ബാധിക്കാമെന്ന് സംവിധായകന് ഡോ. ബിജു.
മേള സ്ഥിരമായി തിരുവനന്തപുരത്ത് നടത്തുന്നതില് നിന്ന് മാറ്റാനുള്ള നീക്കമാണോ ഇതെന്ന് സംശയമുണ്ടെന്നും ഡോ. ബിജു പറഞ്ഞു. ഫേസ്ബുക് പേജിലൂടെയായിരുന്നു അദ്ദേഹത്തിന്റെ പ്രതികരണം.
എന്നാല് ഇത്തരത്തിലുള്ള ആശങ്കകള്ക്ക് ഒരു അടിസ്ഥാനവുമില്ല. കൊവിഡ് പശ്ചാത്തലത്തില് മേള പല മേഖലകളിലായി സുരക്ഷിതത്വത്തോടെ നടത്തുകയാണെന്നു ഫിയാഫിനെ നേരത്തേ തന്നെഅറിയിച്ചതാണെന്നും ഐ എഫ് എഫ് കെ വിവാദം അനാവശ്യമാണെന്നും ചലച്ചിത്ര അക്കാദമി ചെയര്മാന് കമല്.
വിവാദം പ്രാദേശിക വാദത്തിലേക്ക് പോകുന്നതു ശരിയല്ല. രാഷ്ട്രീയക്കാര് പ്രാദേശിക വാദം ഉയര്ത്തുന്നത് ജനങ്ങളോടുള്ള വെല്ലുവിളിയാണെന്നും ചലച്ചിത്രമേളയുടെ വേദികള് നിശ്ചയിച്ചത് സര്ക്കാരാണെന്നും കമല് പറഞ്ഞു.
തിരുവനന്തപുരം തന്നെയാണ് ഐ എഫ് എഫ് കെയുടെ പ്രധാന വേദി. മറ്റിടങ്ങളില് ഉള്ളത് മേളയുടെ പകര്പ്പ് മാത്രമാണ്. ജനങ്ങളുടെ സൗകര്യം കൂടി പരിഗണിച്ചാണ് ഇത്തരമൊരു തീരുമാനം എടുത്തതെന്നും ചെയര്മാന് വ്യക്തമാക്കി.