അഞ്ജു അഷറഫ്-
കൊച്ചി:
രാജ്യാന്തര ചലച്ചിത്ര മേളയില് പങ്കെടുക്കുന്നവര്ക്കുള്ള കോവിഡ് ആന്റിജന് ടെസ്റ്റ് നാളെ(തിങ്കളാഴ്ച) ആരംഭിക്കും. കൊച്ചിയില് മേളയുടെ മുഖ്യവേദിയായ സരിത തിയേറ്ററില് ക്രമീകരിച്ചിട്ടുള്ള നാല് കൗണ്ടറുകളില് രാവിലെ 10 മുതല് വൈകിട്ട് 5 വരെയാണ് പരിശോധന നടത്തുന്നത്.
ഫെബ്രുവരി 15 മുതല് 17 വരെയാണ് സൗജന്യ കോവിഡ് ടെസ്റ്റ് നടത്തുക. പ്രതിനിധികള്ക്കുള്ള കോവിഡ് പരിശോധന സംബന്ധിച്ച അറിയിപ്പ് അക്കാഡമി എസ്.എം.എസിലൂടെ നല്കിയിട്ടുണ്ട്.
ഡെലിഗേറ്റുകള്, ഒഫിഷ്യലുകള്, വോളന്റിയര്മാര്, ചലച്ചിത്ര പ്രവര്ത്തകര്, ഡ്യൂട്ടി സ്റ്റാഫ് തുടങ്ങിയവര്ക്കാണ് ആരോഗ്യവകുപ്പിന്റെ സഹകരണത്തോടെ ചലച്ചിത്ര അക്കാദമി കോവിഡ് ടെസ്റ്റിനുള്ള സൗകര്യം ഒരുക്കിയിരിക്കുന്നത്. ടെസ്റ്റ് സമയത്തും പാസ് വിതരണത്തിലും ഉള്പ്പടെ മേളയുടെ നടത്തിപ്പിലുടനീളം കര്ശന കോവിഡ് പ്രതിരോധ നടപടികളാണ് അക്കാദമി സ്വീകരിച്ചിരിക്കുന്നത്.