സി എന് എ-
കൊച്ചി:
സിനിമ മുന്നൊട്ട് വയ്ക്കുന്ന ആശയങ്ങളും അതിന്റെ രാഷ്ട്രീയവും തുറന്ന് ചര്ച്ചചെയ്യപ്പെടണം എന്ന് സാഹിത്യകാരന് എസ ഹരീഷ്. ഐ ഫ് ഫ് കെ യുടെ ഭാഗമായി ഫെഡറേഷന് ഓഫ് ഫിലിം സൊസൈറ്റി ഓഫ് ഇന്ത്യ കേരള ഘടകം നടത്തിയ ഓപ്പണ് ഫോറം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
ചര്ച്ച മോഡറേറ്റ് ചെയ്ത് എഫ് എഫ് എസ് ഐ പ്രതിനിധി ചെറിയാന് ജോസഫ്, സംവിധായകന് ജോണ് പാലത്തറ, നിരൂപകന് കെ പി ജയകുമാര്, ജി പി രാമചന്ദ്രന്, സംവിധായകന് സോഹന് സീനുലാല് എന്നിവര് സംസാരിച്ചു. വെള്ളപ്പൊക്കവും കോവിഡ മഹാമാരിയും പോലെയുള്ള അത്യാഹിത ദുരന്ത കാലങ്ങളില് സിനിമയും സമൂഹവും നടത്തുന്ന അതിജീവന ശ്രമങ്ങളെ കുറിച്ചാണ് ഓപ്പണ് ഫോറം ചര്ച്ച ചെയ്തത്.
മുന്കാലങ്ങളില് ഇന്ന് സിനിമയ്ക്ക് ഉണ്ടായ മാറ്റം, സിനിമ ചര്ച്ച ചെയ്യുന്ന രാഷ്ട്രീയം, തിയറ്ററുകളുടെ പ്രതിസന്ധി, കൂടാതെ മുന് കാലത്തുള്ള പ്രതിസന്ധികളില് സിനിമയ്ക്ക് ഉണ്ടായ പരിണാമം എന്നിവയും ചര്ച്ച ചെയ്യപ്പെട്ടു. പുതിയ പ്രതിസന്ധിഘട്ടങ്ങളിലും സിനിമയും അത് ചര്ച്ച ചെയ്യുന്ന രാഷ്ട്രീയവും ജനങ്ങളിലേക്കെത്തിക്കാന് ഓടിട്ട പ്ലാറ്റ്ഫോമുകള് വഹിക്കുന്ന പങ്കും ചര്ച്ചയായി.
കോവിഡ് പ്രതിസന്ധിക്കിടയിലും ഓണ്ലൈന് മേള നടത്താതെ നാല് മേഖലകളായി തിരിച്ച് മേള നടത്തുന്ന അധികൃതരുടെ തീരുമാനം മികച്ചതാണെന്ന് തിരക്കഥകൃത്തും സംവിധായകനുമായ ഡോണ് പാലത്തറ പറഞ്ഞു. രാജ്യാന്തര ചലച്ചിത്രമേളയില് പ്രദര്ശനത്തിനെത്തിയ '1965, മധ്യതിരുവിതാംകൂര്', 'സന്തോഷത്തിന്റെ ഒന്നാം രഹസ്യം' എന്നീ ചിത്രങ്ങളുടെ സംവിധായകനാണ് അദ്ദേഹം. മേള നാലിടങ്ങളിലായി നടത്തുന്നത് കൊണ്ട് തന്നെ പല സമാന്തര ചിത്രങ്ങള്ക്കും കൂടുതല് പ്രദര്ശനങ്ങളും ആസ്വാദകരെയും ലഭിക്കുന്നു. ഇത്തരം സിനിമകള് എടുക്കുന്ന ഒരാളെന്ന നിലയില് ഇതൊരു വലിയ അംഗീകാരമാണെന്നും മേളയില് വ്യത്യസ്ത തലങ്ങളിലുള്ള രണ്ട് സിനിമകള് പ്രദര്ശിപ്പിക്കാന് കഴിഞ്ഞത് അഭിമാനാര്ഹമായ നേട്ടമായി കരുതുന്നുവെന്നും അദ്ദേഹം പറഞ്ഞു.