സി എന്‍ എ-
തിരു:
രാജ്യാന്തര ചലച്ചിത്ര മേളയോടനുബന്ധിച്ചുള്ള മീഡിയ സെന്റര്‍ ഇന്ന് വൈകുന്നേരം അഞ്ചു മണിക്ക് ടാഗോര്‍ തിയേറ്ററില്‍ പബ്ലിക് റിലേഷന്‍സ് ഡയറക്റ്റര്‍ ഹരികിഷോര്‍ ഐ എ എസ് ഉദ്ഘാടനം ചെയ്യും. മീഡിയാ അക്കാഡമി ചെയര്‍മാന്‍ ആര്‍ എസ് ബാബു, ചലച്ചിത്ര അക്കാഡമി ചെയര്‍മാന്‍ കമല്‍, വൈസ് ചെയര്‍ പേഴ്‌സണ്‍ ബീനാ പോള്‍, സെക്രട്ടറി അജോയ് ചന്ദ്രന്‍ തുടങ്ങിയവര്‍ പങ്കെടുക്കും.
പ്രിന്റ്, ദൃശ്യശ്രവ്യ, ഓണ്‍ലൈന്‍ മാധ്യമങ്ങള്‍ക്കുള്ള പ്രത്യേക മീഡിയ കിറ്റും ദൈനം ദിന വാര്‍ത്തകളും മേള റിപ്പോര്‍ട്ട് ചെയ്യാനെത്തുന്നവര്‍ക്കുള്ള ഡ്യൂട്ടി പാസുകളും മീഡിയ സെന്ററിലൂടെ മാധ്യമങ്ങള്‍ക്കു ലഭ്യമാകും.
