CNA
കൊച്ചി:
കേരള ചലച്ചിത്ര അക്കാദമിയുടെ റീജിണല് ഐ എഫ് എഫ് കെ യുടെ സ്വാഗത സംഘം ഓഫീസ്, എറണാകുളം മാക്ട ഓഫീസില് അഭിനേത്രി രജിഷ വിജയന് ഉദ്ഘാടനം ചെയ്തു.
കൊച്ചിന് കോര്പ്പറേഷന് മേയര് അനില്കുമാര് അധ്യക്ഷനായ ചടങ്ങില് സംവിധായകന് ജോഷി മുഖ്യ അതിഥിയായിരുന്നു.
ഏപ്രില് ഒന്ന് മുതല് അഞ്ച് വരെ മൂന്ന് തിയേറ്ററുകളിലായാണ് റീജിണല് ഐ എഫ് എഫ് കെ നടക്കുക. തിരഞ്ഞെടുത്ത അമ്പത്തിഒന്പത് ചിത്രങ്ങള് മേളയില് പ്രദര്ശിപ്പിക്കും.
പൊതുജനങ്ങള്ക്ക് അഞ്ഞൂറ് രൂപയും വിദ്യാര്ത്ഥികള്ക്കും ചലച്ചിത്ര മേഖലയിലെ അസിസ്റ്റന്റസിനും ഇരുനൂറ്റി അമ്പത് രൂപയുമാണ് പ്രവേശന നിരക്കായി നിശ്ചയിച്ചിട്ടുള്ളത്.
ഷിബു ചക്രവര്ത്തി ആമുഖവും സുന്ദര്ദാസ് സ്വാഗതവും ഇടവേള ബാബു, ഔസേപ്പച്ചന് വാളക്കുഴി എന്നിവര് ആശംസകളും നേര്ന്നു.
വൈസ് ചെയര്മാന് ബി അശോക്, വി സി അശോക്, സാബു പ്രവദാസ്, കോളിന്സ് തുടങ്ങിയവര് സംബന്ധിച്ചു. ചലച്ചിത്ര അക്കാദമി ഭരണസമിതി അംഗം സജിത മഠത്തില് നന്ദി പറഞ്ഞു.
Online PR - CinemaNewsAgency.Com