സി എന്‍ എ-
കൊച്ചി:
വിനോദം, വിജ്ഞാനം, വ്യവസായം മുതലായ മേഖലകളില്‍ മികവു പുലര്‍ത്തിയിരുന്ന ഭാരതീയര്‍ക്ക് ദേശീയതലത്തിലും ആഗോളതലത്തിലും നല്‍കിവന്നിരുന്ന 'ഇന്‍ഡിവുഡ് പുരസ്‌കാരങ്ങള്‍' മലയാള സാഹിത്യ രംഗത്തേയ്ക്കും. 'ഇന്‍ഡിവുഡ് ഭാഷാ സാഹിത്യ പുരസ്‌കാരം, മലയാളം' എന്ന പേരിലാണ് പുരസ്‌കാരച്ചടങ്ങുകള്‍ സംഘടിപ്പിച്ചിരിയ്ക്കുന്നത്. സാഹിത്യരംഗത്തെ വ്യത്യസ്തമേഖലകളില്‍ മികവുപുലര്‍ത്തിയവരെ കണ്ടെത്തിയാണ് പുരസ്‌കാരങ്ങള്‍ നല്‍കുന്നത്. ഇതില്‍ സമഗ്രസംഭാവനയ്ക്കുള്ള 'ഭാഷാ കേസരി' പുരസ്‌കാരത്തിന് അര്‍ഹരാകുന്നവര്‍ക്ക് നിശ്ചയിച്ചിട്ടുള്ള പുരസ്‌കാരത്തുക അഞ്ചുലക്ഷത്തിയൊന്ന് രൂപയാണ്. മലയാള സാഹിത്യ രംഗത്തെ ഏറ്റവും ഉയര്‍ന്ന പുരസ്‌കാരത്തുക കൂടിയാണ് ഇത്.
കഥ, തിരക്കഥ, നോവല്‍, കവിത, ഗാനരചന, ജീവചരിത്രം, യാത്രാവിവരണം, നിരൂപണം, ഭാഷാ ഗവേഷണം, പരിഭാഷ, ബാലസാഹിത്യം, ലേഖനം, വൈജ്ഞാനിക സാഹിത്യം, ഹാസ്യ കഥ, പാഠ പുസ്തകരചന മുതലായ വിവിധ മേഖലകളിലെ മികവിനും പുരസ്‌കാരങ്ങള്‍ ഉണ്ട് . നവംബര്‍ മുപ്പതിനുള്ളില്‍ ലഭിക്കുന്ന നാമ നിര്‍ദ്ദേശങ്ങളും അപേക്ഷകളും പരിഗണിച്ച് വിധികര്‍ത്താക്കളാണ് പുരസ്‌കാരങ്ങള്‍ നിശ്ചയിക്കുന്നത്.
പ്രമുഖരായവര്‍ക്കൊപ്പം പുതിയ എഴുത്തുകാരെയും എഴുത്തുകാരികളേയും കണ്ടെത്തി പ്രോത്സാഹിപ്പിയ്ക്കാന് ഉദ്ദേശിച്ചുള്ള ഈ പുരസ്‌കാരങ്ങള്‍ക്കായി, മുകളില്‍ വിശദമായ ജീവചരിത്രക്കുറിപ്പോടെ ബന്ധപ്പെടാവുന്നതാണെന്ന് സംഘാടകര്‍ അറിയിച്ചു. ഡിസംബര്‍ ഇരുപത്തിയൊന്നിനാണ് ഫലപ്രഖ്യാപനം. കോവിഡ് നിയന്ത്രണങ്ങള്‍ക്ക് ശേഷം സിനിമാ മേഖലയുടെ സാന്നിധ്യത്തില്‍ നടക്കുന്ന ചടങ്ങില്‍ വച്ചാണ് പുരസ്‌കാരങ്ങള്‍ സമ്മാനിക്കുക.
വിശദവിവരങ്ങള്‍ക്ക് 9539000826 എന്ന നമ്പറില്‍ വാട്‌സാപ്പ് വഴിയോ നേരിട്ടോ ബന്ധപ്പെടാവുന്നതാണ്.
ഇ മെയില്‍ വിലാസം malayalamawards@indywood.co.in
