സി എന്‍ എ-
ഇന്റര്‍നാഷണല്‍ ഡെസ്‌ക്:
ഇറ്റലിയില്‍ സിനിമകള്‍ക്കുള്ള സെന്‍സറിംഗ് അവസാനിപ്പിച്ചു.
രംഗങ്ങള്‍ നീക്കാനും ആവശ്യമെന്നാല്‍ സിനിമകള്‍ തന്നെ നിരോധിക്കാനും ഭരണകൂടത്തിന് അധികാരം നല്‍കുന്ന, 1913 മുതലുള്ള നിയമമാണ് രാജ്യത്ത് ഇല്ലാതായത്. സാംസ്‌കാരിക മന്ത്രി ഡെറിയോ ഫ്രാന്‍സെസ്ച്ചിനിയാണ് ഇത് സംബന്ധിച്ച പ്രഖ്യാപനം നടത്തിയത്.
'കലാകാരന്മാരുടെ സ്വാതന്ത്ര്യത്തില്‍ കയറാന്‍ സര്‍ക്കാരിനെ അനുവദിക്കുന്ന നിയന്ത്രണങ്ങളുടെയും ഇടപെടലുകളുടെയും സംവിധാനം ഇനിയില്ല'. സാംസ്‌കാരിക മന്ത്രി പ്രസ്താവനയില്‍ അറിയിച്ചു.
ഇറ്റലിയില്‍ പ്രദര്‍ശനത്തിനൊരുങ്ങുന്ന ഒരു സിനിമയുടെ റിലീസിംഗ് തടയാനോ സദാചാരപരമോ മതപരമോ ആയ കാരണങ്ങളാല്‍ ചിത്രത്തിലെ സീനുകളും ഷോട്ടുകളും ഒഴിവാക്കാന്‍ നിര്‍ദ്ദേശിക്കാനോ നീക്കം ചെയ്യാനോ ഇനി സര്‍ക്കാരിന് കഴിയില്ല.
പകരം തങ്ങളുടെ സിനിമകള്‍ കാണേണ്ട പ്രേക്ഷകരുടെ പ്രായം അനുസരിച്ച് ചലച്ചിത്രകാരന്മാര്‍ തന്നെയാവും വര്‍ഗ്ഗീകരണം നടത്തുക.
അതായത് +2 (12 ന് മുകളില്‍ പ്രായമുള്ളവര്‍ കാണാവുന്നത്) 14+, 16+, 18+, 21+ എന്നൊക്കെയാകും സിനിമകള്‍ നല്‍കുന്ന ക്ലാസ്സിഫിക്കേഷനുകള്‍. എന്നാല്‍ ഈ ക്ലാസ്സിഫിക്കേഷന്‍ പുനഃപരിശോധിക്കാന്‍ ഒരു കമ്മറ്റിയെ രൂപികരിക്കും എന്നുമാത്രം.
