സി എന് എ-
കൊച്ചി:
2021ലെ ഏറ്റവും വലിയ സൗത്ത് ഇന്ത്യന് റിലീസ് ആയ കാര്ത്തിക് സുബ്ബരാജ് ധനുഷ് ചിത്രം 'ജഗമേ തന്തിരം' നെറ്റ്ഫ്ളിക്സ് റിലീസിനൊരുങ്ങുന്നു. ജൂണ് 1നു പുറത്തെത്തിയ ചിത്രത്തിന്റെ ട്രൈലര് ഇതിനോടകം തന്നെ പ്രതീക്ഷകള് വാനോളമുയര്ത്തിയിരിക്കുകയാണ്.
ധനുഷ് കാര്ത്തിക് സുബ്ബരാജ് ടീമിന്റെ കരിയറിലെ തന്നെ വമ്പന് പ്രൊജക്റ്റ് ആയി എത്തുന്ന ജഗമേ തന്തിരത്തില് ധനുഷിനു പുറമെ മലയാളത്തില് നിന്നു സൂപ്പര് താരം ജോജുവും ഐശ്വര്യ ലക്ഷ്മിയും പ്രധാന വേഷത്തില് എത്തുന്നു. ചിത്രത്തില് ഇവരെ കൂടാതെ ഹോളിവുഡ് താരം ജെയിംസ് കോമോയും ഒരു പ്രധാന വേഷത്തില് അഭിനയിക്കുന്നുണ്ട്.
ലണ്ടന് പശ്ചാത്തലത്തില് ഒരുങ്ങുന്ന ജഗമേ തന്തിരത്തില് ശിവദോസ് എന്ന അതിശക്തനായ ഗ്യാങ്സ്റ്റര് റോളിലാണ് ജോജു ജോര്ജ്ജ് എത്തുന്നത്. കാര്ത്തിക് സുബ്ബരാജിന്റെ കടുത്ത ആരാധകന് കൂടിയായ ജോജു ഈ സിനിമയുടെ ഭാഗമാകാന് സാധിച്ചതില് അതീവ ആവേശത്തിലാണ്.! നടന് ജെയിംസ് കോസ്മോയ്ക്കൊപ്പം പ്രവര്ത്തിച്ചതില് അദ്ദേഹം ആവേശവും നന്ദിയും പ്രകടിപ്പിച്ചു.
ജോജുവിന്റെ വാക്കുകളില്...
'ഞാന് ഒരു വലിയ കാര്ത്തിക് സുബ്ബരാജ് ആരാധകനാണ്. പിസ്സ കണ്ടതിനുശേഷം ഞാന് കാര്ത്തിക് സുബ്ബരാജിനെ കാണാന് ശ്രമിച്ചു, പക്ഷേ എനിക്ക് അവസരം ലഭിച്ചില്ല. 'ജഗമേ തന്തിരത്തിന്റെ എഡിറ്ററായ വിവേക് ഹര്ഷന്, ദിമല് ഡെന്നിസ് എന്നിവരിലൂടെ അദ്ദേഹത്തെ കാണാനുള്ള അവസരം എനിക്ക് ലഭിച്ചു. കാര്ത്തിക് എന്നോട് ഓഡിഷന് ആവശ്യപ്പെട്ടു, കാരണം ഇത് ഒരു വലിയ കഥാപാത്രമാണ്. അദ്ദേഹം എന്നോട് ഒരു രംഗം വിവരിക്കുകയും എന്നോട് അഭിനയിക്കാന് ആവശ്യപ്പെടുകയും ചെയ്തു.തമിഴിലെ ഡയലോഗുകള് ഞാന് പറഞ്ഞു. അദ്ദേഹം എന്നെ നോക്കി പുഞ്ചിരിച്ചു'
ജെയിംസ് കോസ്മോയെക്കുറിച്ച് സംസാരിച്ച ജോജു പറഞ്ഞത്.
'എന്റെ എതിരാളി (സിനിമയില്) ഒരു വലിയ ഹോളിവുഡ് നടന് ജെയിംസ് കോസ്മോ സര് ആയിരിക്കും എന്ന് എനിക്കറിയാം. വ്യക്തിപരമായി ഞാന് കണ്ട ആദ്യത്തെ ഹോളിവുഡ് താരം ജെയിംസ് കോസ്മോയ്ക്കൊപ്പം അഭിനയിക്കുന്നത് എനിക്ക് ഒരു വലിയ അവസരമായിരുന്നു.'
ജൂണ് 18നു ലോകം മുഴുവന് 190 രാജ്യങ്ങളിലായി നെറ്റ്ഫ്ളിക്സിലൂടെ 'ജഗമേ തന്തിരം' റിലീസ് ചെയ്യുന്നു. വാര്ത്ത പ്രചരണം- എ എസ് ദിനേശ്.
Online PR - CNA.