സി എന് എ-
കൊച്ചി:
പ്രശസ്ത നാടക കൃത്തും തിരക്കഥകൃത്തുമായ എസ് എല് പുരത്തിന്റെ കൊച്ചുമകള് ജയഭദ്ര സിനിമയിലേക്ക്.
പുതുമുഖ സംവിധായികയായ നഥാലിയാ സംവിധാനം ചെയ്യുന്ന 'ഫുട് പ്രിന്റ്സ് ഓണ് വാട്ടര്' എന്ന ഇംഗ്ലീഷ് സിനിമയിലാണ് അരങ്ങേറ്റം.
ഒ. മാധവന്റെ മകളും നടന് മുകേഷിന്റെ സഹോദരിയുമായ സന്ധ്യ രാജേന്ദ്രന് ആണ് ജയഭദ്രയെ നഥാലിയക്കു പരിചയപ്പെടുത്തിയത്. സന്ധ്യ രാജേന്ദ്രന്റെ അനിയത്തിയുടെ മകളാണ് സംവിധായികയായ നഥാലിയ.
ഫേസ് ബുക്കില് ചെയ്ത ഒരു ടിക് ടോക് ആണ് ജയഭദ്രയുടെ സിനിമ പ്രവേശനത്തിനു കാരണമായത്.
റസൂല് പൂക്കുട്ടി, നിമിഷ സജയന്, അഴകപ്പന്, ലെന തുടങ്ങിയ പ്രശസ്തരുമായി സഹകരിക്കാന് കഴിഞ്ഞതിന്റെ ത്രില്ലിലാണ് ആലപ്പുഴ മാതാ സീനിയര് സെക്കന്ററി സ്കൂളിലെ പ്ലസ് വണ് വിദ്യാര്ഥിനിയായ ജയഭദ്ര.
തിരക്കഥാകൃത്തും നടനുമായ വൈ. എസ്. ജയസോമയുടെ മൂത്തമകളാണ് ജയഭദ്ര. അച്ഛന് ജയസോമയും അമ്മ ബീനയും അനിയത്തി ജയനന്ദയും അടങ്ങുന്നതാണ് ജയഭദ്രയുടെ കുടുംബം. വിദ്യഭ്യാസത്തിനു തടസ്സം വരാതെ ഇനിയും നല്ല വേഷങ്ങള് സിനിമയില് ലഭിച്ചാല് ചെയ്യുമെന്ന് ജയഭദ്ര സിനിമാ ന്യൂസ് ഏജന്സിയോട് പറഞ്ഞു.