CNA
കൊച്ചി:
മാത്യു തോമസ്, നസ്ലന്‍, നിഖില വിമല്‍ എന്നിവരെ പ്രധാന കഥാപാത്രങ്ങളാക്കി നവാഗതനായ അരുണ്‍ ഡി ജോസ് കഥയെഴുതി സംവിധാനം ചെയ്യുന്ന 'ജോ ആന്റ് ജോ' എന്ന ചിത്രത്തിന്റെ രണ്ടാമത്തെ ക്യാരക്ടര്‍ പോസ്റ്റര്‍ റിലീസായി.
'വീരപ്പന്‍' എന്ന കഥാപാത്രത്തെ അവതരിപ്പിക്കുന്ന നായയുടെ പോസ്റ്ററാണ് റിലീസ് ചെയ്തത്.
'വീരപ്പന്‍'.
പേരുപോലെ അത്ര പ്രശ്‌നക്കാരന്‍ ഒന്നുമല്ല. തിന്നുക ഉറങ്ങുക എന്നല്ലാതെ വലിയ അദ്ധ്വാനത്തിനൊന്നും താത്പര്യവുമില്ല.
ലോക്ക്ഡൗണ്‍ വന്നതിനു ശേഷം കൂട്ടിലടക്കപെട്ട തന്റെ അവസ്ഥ തന്നെ വീട്ടുകാര്‍ക്കും നാട്ടുകാര്‍ക്കും വന്നതിന്റെ ചെറിയൊരു സന്താഷവുമുണ്ട് പുള്ളിക്ക്.
മെയ് പതിമൂന്നിന് 'ജോ ആന്റ് ജോ' ഐക്കോണ്‍ സിനിമാസ് തിയ്യേറ്ററിലെത്തിക്കും.
ഇമാജിന്‍ സിനിമാസ്, സിഗ്‌നേച്ചര്‍ സ്റ്റുഡിയോസ് എന്നി ബാനറില്‍ നിര്‍മ്മിക്കുന്ന ഈ ചിത്രത്തില്‍ ജോണി ആന്റണി, സ്മിനു സിജോയ്, ലീന ആന്റണി എന്നിവരും ശ്രദ്ധേയമായ കഥാപാത്രത്തെ അവതരിപ്പിക്കുന്നു.
അരുണ്‍ ഡി ജോസ്, രവീഷ് നാഥ് എന്നിവര്‍ ചേര്‍ന്ന് തിരക്കഥ സംഭാഷണമെഴുതുന്ന ഈ ചിത്രത്തിന്റെ ഛായാഗ്രഹണം അള്‍സര്‍ ഷാ നിര്‍വ്വഹിക്കുന്നു.
ടിറ്റോ തങ്കച്ചന്‍ എഴുതിയ വരികള്‍ക്ക് ഗോവിന്ദ് വസന്ത സംഗീതം പകരുന്നു.
പ്രൊഡക്ഷന് കണ്ട്രോളര്- റിന്നി ദിവാകരന്‍, കല- നിമേഷ്‌സ താനൂര്‍, മേക്കപ്പ്- സിനൂപ് രാജ്, വസ്ത്രാലങ്കാരം- സുജിത്ത് സി എസ്, സ്റ്റില്‍സ്- ഷിജിന്‍ പി രാജ്, പരസ്യക്കല- മനു ഡാവന്‍സി, എഡിറ്റര്‍- ചമന്‍ ചാക്കോ, സൗണ്ട് ഡിസൈന്‍- സബീര്‍ അലി, ചീഫ് അസോസിയേറ്റ് ഡയറക്ടര്‍- രവീഷ് നാഥ്, അസോസിയേറ്റ് ഡയറക്ടര്‍- റെജിവാന്‍ അബ്ദുള്‍ ബഷീര്‍.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
