CNA
കൊച്ചി:
ആരോഗ്യപ്രശ്നങ്ങളെ തുടര്ന്ന് ഗുരുതരാവസ്ഥയില് ചികിത്സയിലുള്ള പ്രശസ്ത തിരക്കഥാകൃത്ത് ജോണ് പോളിന് സഹായം അഭ്യര്ഥിച്ച് സുഹൃത്തുക്കള് രംഗത്ത്.
രണ്ടുമാസത്തോളമായി ആശുപത്രിയില് ചികിത്സയിലാണ് ജോണ്പോള്. നിരവധി മനോഹര ചിത്രങ്ങള്ക്ക് തിരക്കഥയൊരുക്കിയ ജോണ്പോളിന്റെ ചികിത്സ മുന്നോട്ട് കൊണ്ടു പോകാനാണ് പൊതുസമൂഹത്തില് നിന്ന് സഹായം തേടുന്നത്.
രണ്ടുമാസത്തെ ചികിത്സ കൊണ്ട് അദ്ദേഹത്തിന്റെ കുടുംബം സാമ്പത്തികമായി വലിയ പ്രതിസന്ധിയിലായിട്ടുണ്ടെന്ന് സുഹൃത്തുക്കള് പുറത്തിറക്കിയ കുറിപ്പില് പറയുന്നു.
ജോണ്പോളിന്റെ മകളുടെ ഭര്ത്താവിന്റെ അക്കൗണ്ടിലേക്ക് സഹായം അയക്കണമെന്നാണ് സുഹൃത്തുക്കള് അഭ്യര്ഥിക്കുന്നത്.
ജിബി അബ്രഹാമിന്റെ എസ്.ബി.ഐ. കാക്കൂര് ബ്രാഞ്ചിലെ അക്കൗണ്ട് നമ്പറും സഹായഭ്യര്ഥനയുടെ കൂടെ നല്കിയിട്ടുണ്ട്.
Account No: 67258022274
IFSC: SBIN0070543
Google Pay No: 9446610002 എന്ന നമ്പറിലേക്ക് ഗൂഗ്ള് പേ ആയും സഹായങ്ങള് നല്കാം.
പ്രൊഫ. എം കെ സാനു, പ്രൊഫ. എം തോമസ് മാത്യൂ, ഫാ. തോമസ് പുതുശ്ശേരി, എം മോഹന്, സി.ഐ.സി.സി. ജയചന്ദ്രന്, പി രാമചന്ദ്രന്, അഡ്വ. മനു റോയ്, സി ജി രാജഗോപാല്, ജോണ്സണ് സി എബ്രഹാം, തനൂജ ഭട്ടതിരി എന്നിവര് ചേര്ന്നാണ് സഹായഭ്യര്ഥന നടത്തിയിരിക്കുന്നത്.
രണ്ടു മാസമായി എറണാകുളത്ത് സ്വകാര്യ ആശുപത്രിയില് ചികിത്സയിലായിരുന്ന ജോണ് പോളിനെ കഴിഞ്ഞയാഴ്ച എറണാകുളം ലിസി ആശുപത്രിയിലേക്കു മാറ്റിയിരുന്നു.
ഇപ്പോള് നേരിയ തോതില് ഭക്ഷണം കഴിക്കുകയും സംസാരിക്കുകയും ചെയ്യുന്നുണ്ടെന്നും കടുത്ത ശ്വാസതടസ്സത്തെ തുടര്ന്ന് നല്കിയിരുന്ന ബൈ പാപ്പ് സപ്പോര്ട്ട് രാത്രി മാത്രമായി പരിമിതപ്പെടുത്തുവാന് സാധിച്ചിട്ടുണ്ടെന്നും ഡോക്ടര്മാര് അറിയിച്ചു.