സി എന് എ-
കൊച്ചി:
നടനും നിര്മ്മാതാവുമായ ജോജു ജോര്ജിന്റെ വെഹിക്കള് പാര്ക്കിങ്ങിലേക്ക് ഒരു പുതിയ അതിഥി കൂടി.
സിനിമ പോലെത്തന്നെ ഇദ്ദേഹത്തിന്റെ കമ്പമാണ് വാഹനങ്ങളോടും. ഒരു കിടിലന് സൂപ്പര് ബൈക്കാണ് അദ്ദേഹത്തിന്റെ വാഹനശേഖരത്തില് ഇപ്പോള് എത്തിയിരിക്കുന്നത്.
ബ്രിട്ടീഷ് സൂപ്പര് ബൈക്ക്നി ര്മ്മാതാക്കളായ ട്രയംഫിന്റെ സ്ട്രീറ്റ് ട്രിപ്പിള് ആര് എന്ന മോഡലാണ് ജോജു സ്വന്തമാക്കിയിരിക്കുന്നത്. ട്രയംഫ് സൂപ്പര് ബൈക്കുകളില് തുടക്ക ശ്രേണിയിലെ ട്രയംഫ് സ്ട്രീറ്റ് ട്രിപ്പിള് ആര് ബൈക്കിന് 8.84 ലക്ഷം രൂപയാണ് ഇന്ത്യയിലെ എക്സ്ഷോറും വില.
സ്ട്രീറ്റ് ട്രിപ്പിള് ആര്.എസ്., സ്ട്രീറ്റ് ട്രിപ്പിള് ആര് എന്നീ ബൈക്കുകളിലാണ് ഈ ശ്രേണിയില് എത്തുന്നത്.
765 സി.സി. ലിക്വിഡ് കൂള്ഡ് 3 സിലിണ്ടര് എന്ജിനാണ് ഈ സൂപ്പര് ബൈക്കിന്റെ കരുത്ത്. ഇത് 118 പി.എസ്. പവറും 79 എന്.എം. ടോര്ക്കുമാണ് ഉത്പാദിപ്പിക്കുന്നത്. ഈ വാഹനത്തില് മൂന്ന് റൈഡിങ്ങ് മോഡുകളാണുള്ളത്. ട്രെയംഫ് ഷിഫ്റ്റ് അസിസ്റ്റുള്ള ആറ് സ്പീഡ് ഗിയര്ബോക്സാണിതന്. ഇത് ഉയര്ന്ന കരുത്തിനൊപ്പം സ്പോര്ട്ടി ഡിസൈനിലുമുള്ള സൂപ്പര് ബൈക്കാണ് ട്രയംഫ് സ്ട്രീറ്റ് ട്രിപ്പിള് ആര്. ഇരട്ട എല്.ഇ.ഡി. ഹെഡ്ലാംപ്, പുതന് ഡിസൈനിലുള്ള എക്സ്ഹോസ്റ്റ്, ആകര്ഷകമായ ബോഡി ഡിസൈനിങ്ങ്, അഞ്ച് സ്പോക്ക് കാസ്റ്റ് അലുമിനിയം അലോയി വീലുകള് എന്നിവയാണ് ഈ വാഹനത്തിന്റെ മറ്റ് പ്രത്യേകതകള്.