സി എന് എ-
ഹൈദരാബാദ്:
സിനിമ പ്രേമികളുടെ കാത്തിരിപ്പിന് വിരാമമിട്ട് കെജിഎഫ് ചാപ്റ്റര്-2ന്റെ ടീസര് ജനുവരി 8 ന് രാവിലെ 10.18 ന് റിലീസ് ചെയ്യുമെന്ന് സംവിധായകന് പ്രശാന്ത് നീല് അറിയിച്ചു. സിനിമയുടെ പുതിയ പോസ്റ്ററും പുറത്തുവിട്ടു.
തീപ്പന്തത്തിന് മുന്നിലെ കസേരയില് ഇരിക്കുന്ന യാഷിനെയാണ് പോസ്റ്ററില് കാണുന്നത്.
കെജിഎഫ് നായകന് യാഷിന്റെ പിറന്നാള് ദിനമാണ് ജനുവരി എട്ട്.
സാമ്രാജ്യത്തിലേക്കുള്ള ചെറിയ എത്തിനോട്ടം എന്നാണ് ടീസറിനെ വിശേഷിപ്പിച്ചിരിക്കുന്നത്. ഒരു വര്ഷം കാത്തിരിക്കേണ്ടി വന്നെങ്കിലും ശക്തരും വലിയവരും അപകടകാരികളുമായാണ് ഞങ്ങള് വരുന്നതെന്ന് സംവിധായകന് പ്രശാന്ത് നീല് ട്രെയിലര് റിലീസ് തിയതി പ്രഖ്യാപിച്ചുകൊണ്ട് വ്യക്തമാക്കി.
കോവിഡ് പശ്ചാത്തലത്തില് നിര്ത്തിവച്ചിരുന്ന 'കെജിഎഫ് 2'ന്റെ ചിത്രീകരണം ഓഗസ്റ്റ് 26നാണ് പുനരാരംഭിച്ചത്.
ഹൈദരാബാദ് രാമോജി റാവു ഫിലിം സിറ്റിയില് സിനിമയുടെ ക്ലൈമാക്സ് സീനുകള് കഴിഞ്ഞ ദിവസമാണ് പൂര്ത്തിയായത്. സഞ്ജയ് ദത്ത് അവതരിപ്പിക്കുന്ന 'അധീര' എന്ന പ്രതിനായക കഥാപാത്രവും യാഷിന്റെ നായക കഥാപാത്രവും പങ്കെടുക്കുന്ന രംഗങ്ങളാണ് ഷൂട്ട് ചെയ്തത്. ചിത്രീകരണം നല്ല രീതിയില് പൂര്ത്തിയാക്കാന് കഴിഞ്ഞെന്നും ചിത്രം പ്രേക്ഷകരിലേക്ക് എത്തുന്ന ദിവസത്തിനായുള്ള കാത്തിരിപ്പിലാണെന്നും സംവിധായകന് പറയുന്നു.