Editor- MM Kamath
കൊച്ചി:
മലയാളത്തില് ഏറെ ശ്രദ്ധിക്കപ്പെട്ട വെബ്സീരീസ് ആയ 'കുടുക്കിന്റെ ഏറ്റവും പുതിയ എപ്പിസോഡ് 'കള്ള നമ്പൂതിരി' റീല്സ് ഓണ്സ്ക്രീന് യൂട്യൂബ് ചാനലില് റിലീസ് ചെയ്തു.
ഇതിനോടകംതന്നെ മികച്ച സ്വീകാര്യതയാണ് ഏറ്റവും പുതിയ എപ്പിസോഡിന് പ്രേക്ഷകരില് നിന്നും ലഭിക്കുന്നത്.
ഒരേ വീട്ടില് രണ്ടു നിലകളിയായി താമസിക്കുന്ന അറേന്ജ്ഡ് മാരേജ്, ലവ് മാരേജ് ദമ്പതികളും അവര് തമ്മിലുള്ള നര്മ്മ രംഗങ്ങളുമാണ് ഇതിവൃത്തം.
'അമ്മാമ്മയുടെ കൊച്ചുമോന്' എന്നറിയപ്പെടുന്ന ജിന്സന് സംവിധാനം ചെയ്ത് മലയാളത്തില് നിര്മ്മിക്കുന്ന 'കുടുക്ക്' വെബ്സീരീസ്ന്റെ തമിഴ്, തെലുങ്ക് ഭാഷകളിലേക്കുള്പ്പടെ മൊഴിമാറ്റം ചെയ്ത എപ്പിസോഡുകള് ഡിസംബറില് റിലീസിന് ഒരുങ്ങുന്നതായി നേരത്തെ തന്നെ റിപ്പോര്ട്ടുകള് ഉണ്ടായിരുന്നു.
മഞ്ജുഷ മാര്ട്ടിന്, ബിനു അടിമാലി, നസീര് സംക്രാന്തി, ഡയാന ഹമീദ്, രാജു തോട്ടം, കല, ആതിര മാധവ് തുടങ്ങിയവരും 'അമ്മാമ്മ കൊച്ചുമോന്' ജോമോന് തുടങ്ങിയവരും പ്രശസ്ത വെബ്സീരീസ് ആയ 'ഒതളങ്ങ തുരുത്തിലെ ഉത്തമന് എന്നു വിളിക്കുന്ന ജഗദീഷും പാച്ചു എന്നു വിളിക്കുന്ന മൃദുലും വെബ് സീരീസില് ഭാഗമാകുന്നുണ്ട്.
റീല്സ് ഓണ് സ്ക്രീന് പ്രൊഡക്ഷന്സിന്റെ ബാനറില് നിതിന് തോട്ടത്തില് ആണ് നിര്മ്മാണം. ഓണത്തോട് കൂടി എപ്പിസോഡുകള് പുറത്തുവരാന് തുടങ്ങിയ വെബ് സീരീസിന് ഓരോ എപ്പിസോഡുകള്ക്ക് ഓരോ പേരാണ് നല്കി വരുന്നത്.
തിരക്കഥ- അഭയ് കെ എസ്, ഛായാഗ്രഹണം- കിരണ് നുപിറ്റല്, എഡിറ്റിങ്- അതുല് രാജ്, സംഗീതം- അനു ബി ഐവര്, അസ്സോസിയേറ്റ് ഡയറക്ടര്- ആര്.ജെ സൂരജ്.
Online PR - CinemaNewsAgency.Com